Athlete Meseret Defar, Photo: Hasse Sjögrenበጥሩነሽ ዲባባ ተይዞ የነበረውን ክብረወሰን ከሦስት ሰከንድ በላይ አሻሻለችው

Ethiopia Zare (ረቡዕ የካቲት 11 ቀን 2001 ዓ.ም. February 18, 2009)፦ በዛሬው ዕለት ማምሻውን በስዊድን ዋና ከተማ ስቶክሆልም ውስጥ በግሉበን በተካሄደው የሴቶች የአምስት ሺህ ሜትር የቤት ውስጥ ውድድር ኢትዮጵያዊትዋ አትሌት መሰረት ደፋር ውድድሩን በ14 ደቂቃ ከ24፡37 ሰከንድ በአንደኝነት በመጨረስ የዓለምን ክብረወሰን ሰበረች። ክብረወሰኑን ያሻሻለችው በሦስት ነጥብ አምስት ሰከንድ ነው።

 

”ኢሪክሶን ግሎብ ጋላን” በመባል በሚታወቀውና በስዊድንኛ በአጭር መጠሪያው ”ግሉበን” በተሰኘው የቤት ውስጥ ውድድሮች የሚካሄዱበት በዚሁ የመወዳደሪያ ሥፍራ እየተካሄደ ባለው የአትሌቲክስ ውድድር ላይ ነው አትሌት መሰረት ደፋር የዓለምን ክብረወሰን የሰበረችው። ውድድሩን ከማሸነፍም በላይ ክብረወሰን በመስበር ለጨረሰችው ኢትዮጵያዊቷ አትሌት መሰረት ደፋር መላው የግሉበን ታዳሚ በሆታና በጭብጨባ ደስታውን ገልፆላታል።

 

አትቴለት መሰረት ደፋር የሰበረችው ክብረወሰን በኢትዮጵያዊቷ አትሌት ጥሩነሽ ዲባባ በዩናይትድ ስቴትስ ኦፍ አሜሪካ ቦስተን ላይ በ14 ደቂቃ 27፡42 ሰከንድ ጃንዋሪ 29 ቀን 2005 እ.ኤ.አ. ተመዝግቦ የነበረውን መሆኑ ታውቋል። አትሌት መሰረት ደፋር በሦስት ሺህ ሜትር የቤት ውስጥ ውድድርም በ8 ደቂቃ 23፡72 ሰከንድ የዓለም ክብረወሰን ባለቤት ስትሆን፣ ይህንን ያስመዘገበችው ፌብሩዋሪ 3 ቀን 2007 በጀርመን ሀገር ስቱትጋርት ከተማ ነው።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!