Carina Häggየኢህአዲግ መንግሥት ባለሥልጣናትን ለማነጋገር ያደረጉት ጥረት አልተሳካም

Ethiopia Zare (ኀሙስ ሚያዝያ 1 ቀን 2001 ዓ.ም. April 9, 2009)፦ የአንድነት ለዲሞክራሲና ለፍትህ ፓርቲ ሊቀመንበር ወ/ት ብርቱካን ሚደቅሳ የሚገኙበትን ሁኔታ ለማየት ወደ ኢትዮጵያ ያቀኑት የስዊድን የሶሻል ዲሞክራቲክ ፓርቲ የፓርላማ አባል የሆኑት ካሪማ ሄግ ወ/ት ብርቱካንን ለማነጋገርም ሆነ ለማየት ተከለከሉ። የወ/ት ብርቱካንን እናት እና ልጅን አግኝተው ወደ ሀገራቸው ለመመለስ ወስነዋል።

 

የስዊድን የሶሻል ዲሞክራቲክ ፓርቲ የፓርላማ ተወካይ የሆኑት ካሪና ሄግ ወ/ት ብርቱካን ስዊድን በሄዱበት ጊዜ አግኝተው እንዳነጋሯቸውና ኢትዮጵያ ውስጥ ስላሉ ተቃዋሚ የፖለቲካ ፓርቲዎች ስዕል ሊሰጥ የሚችል ንግግር ማቅረባቸውን ገልጸው፤ ፓርቲያቸው የወ/ት ብርቱካንን እስር ስላልተቀበለውና በአስቸኳይ እንዲፈቱ ስለሚፈልግ ጉዳዩ እምን ደረጃ ላይ እንዳለና ወ/ት ብርቱካንን ለማነጋር ወስነው እንደመጡ ተናግረዋል።

 

ነገር ግን ከፓርቲያቸው የተጻፈ የድጋፍ ደብዳቤ ይዘው ወ/ት ብርቱካንንም ሆነ ጉዳዩ የሚመለከታቸውን የመንግሥት አካላት ለማነጋር ብርቱ ጥረት ቢያደርጉም ፍቃደኛ አካል በመጥፋቱ እንዳልተሳካላቸው ገልጸው፤ ወደ ሀገራቸው በሚመለሱበት ጊዜ ጉዳዩን በትኩረት ተከታትለው መፍትሔ ለማግኘት እንደሚጥሩ ተናግረዋል።

 

የ52 ዓመቷ ካሪና ሄግ እ.ኤ.አ. ከ1995 ጀምሮ የስዊድን ሶሻል ዲሞክራቲክ ፓርቲ የፓርላማ (የተወካዮች ምክር ቤት) አባልና የውጭ ጉዳይ ተወካይ ናቸው። ከዚህም ሌላ በአውሮፓ ሕብረት የስዊድን ምክትል አማካሪ ናቸው።

 

ካሪና ሄግ ወ/ት ብርቱካንን ከእስር ለማስፈታት ከሚጥሩት በርካታ የስዊድን የፓርላማ አባላት ውስጥ አንዷ መሆናቸው ይታወቃል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!