Ato Temesgen Zewde አቶ ተመስገን ዘውዴውጭ ሀገር ሕክምና ካላገኙ ሕይወታቸው አስጊ ደረጃ ላይ ነው

Ethiopia Zare (አርብ ግንቦት 14 ቀን 2001 ዓ.ም. May 22, 2009)፦ የአንድነት ለዲሞክራሲና ለፍትህ ፓርቲ ምክትል ሊቀመንበር የሆኑት እና በቅንጅት ስም ፖርላማ ገብተው አቋማቸውን በመግለጽ የህዝብን ድጋፍ ያገኙት አቶ ተመስገን ዘውዴ በጽኑ መታመማቸውንና ለከፍተኛ የሕክምና ዕርዳታ ወደ ውጭ መውጣት እንደሚኖርባቸው ሐኪሞች መወሰናቸውን የኢትዮጰያ ዛሬ ምንጮች አረጋገጡ።

 

የተከበሩ አቶ ተመስገን ዘውዴ በፀና ታመው ጥቁር አንበሳ ሆስፒታል ሕክምና ሲደረግላቸው የቆየ ከመሆኑም በላይ ሆስፒታሉ ሕክምናው ከአቅሙ በላይ በመሆኑ በሕክምና ቦርዱ አማካኝነት በሰጠው ሙያዊ አስተያየት፤ ወደ ውጭ ሀገር ተጉዘው የሚታከሙ ካልሆነ በሕይወት የመቆየታቸው ጉዳይ አስጊ መሆኑን ገልጿል። ይሁንና ባጋጠማቸው የገንዘብ ችግር ምክንያት እስካሁን በአስቸኳይ ወደ ውጭ ሀገር ተጉዘው በሕክምና ሊረዱ አልቻሉም።

 

የአቶ ተመስገንን ሕይወት ለማትረፍ አንድነት ፓርቲ ኮሚቴ በማቋቋም በተለያየ መልኩ የገንዘብ ማሰባሰብ ሂደቶችን እያከናወነ ሲሆን፣ የፓርቲው ደጋፊዎችን ጨምሮ ወዳጅ ዘመዶቻቸው እንዲሁም በፓርላማ ሃሳባቸውን ያለምንም ፍራቻ ሲገልጹ የሚያደንቋቸው ኢትዮጵያዊያን የዚሁ የአቶ ተመስገንን የሕይወት አድን ጥሪ በመደገፍ ተሳትፎ እያደረጉ መሆኑን ለመረዳት ችለናል።

 

የገንዘብ ማሰባሰቡ የባንክ አካውንት በመክፈትና የተለያዩ የ30፣ የ50 እና የ100 ብር የዕርዳታ ኩፖን በማዘጋጀት ለሽያጭ ማቅረብን አካቶ ልዩ ልዩ ዝግጅቶችንም ኮሚቴው እየሠራ መሆኑን የኢትዮጵያ ዛሬ ምንጮች አረጋግጠዋል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!