አዲስ አበባ የግብር ክፍያውን ተቃውሞ ተቀላቀለች

መርካቶ
መርካቶ ገበያ፣ አዲስ አበባ፣ ኢትዮጵያ

ኢዛ (ሰኞ ሐምሌ ፲፯ ቀን ፳፻፱ ዓ.ም. July 24, 2017)፦ መንግሥት ቀደም ሲል ያውጣውን በቀን ገቢ ግምት ላይ የተመሰረተ የግብር ክፍያን በመቃወም በተለያዩ የአገሪቱ ከተሞች ተቃውሞ መነሳቱ ይታውቃል። ይኼው ተመን በነጋዴዎችና በሕዝቡ ጉሮሮ ላይ የተሰነቀረ አጥንት በመሆኑ በመላው አገሪቱ ነጋዴዎች ተቃውሞ አስነስቷል። በዚሁም መሰረት በአዲስ አበባ በሚገኘው በመርካቶ ገበያ ማዕከል ተቃውሞ በመነሳቱ፤ በርከት ያሉ የንግድ ቤቶች ዝግ ኾነው ውለዋል። የጣና ገበያ አዳራሽም በመዘጋቱ ምክንያት መርካቶ ጭርና ቅዝቅዝ ብላ አርፍዳለች።

ሙሉውን አስነብበኝ ...

በስዊድን ፳ኛው የአውሮፓ ዓመታዊ የስብከተ ወንጌል ጉባዔ በደማቅ ኹኔታ ተጠናቀቀ

ማቴዎስ ዘገየ (ከስዊድን)

ብፁዓን ጳጳሳት
በ፳ኛው በአውሮፓ የኢትዮጵያ ኦርቶዶክስ ተዋህዶ ዓመታዊ ስብከተ ወንጌል ጉባዔ ላይ የተገኙ ብፁዓን ጳጳሳት

በዚህ በያዝነው የአውሮፓውያን በጋ ሐምሌ ወር፣ የሰከነ የሕይወት እንቅስቃሴና የረጋ ጸጥታ የሚታይባት፣ ከአውሮፓ ጽዱ ከተሞች አንዷ የሆነችው የስዊድን ዋና ከተማ ስቶክሆልም፤ ፳ኛውን በአውሮፓ የኢትዮጵያ ኦርቶዶክስ ተዋህዶ ዓመታዊ ስብከተ ወንጌል ጉባዔን በተሳካ ኹኔታ አስተናገደች።

በመላው አውሮፓ በሚኖሩ ኢትዮጵያውያን የኦርቶዶክስ እምነት ተከታዮች በየዓመቱ የሚዘጋጀው ይኸው መንፈሳዊ ጉባዔ ከሐምሌ (ጁላይ) ፲፬ እስከ ፲፮ ቀን ፳፻፲፯ እ.ኤ.አ. ድረስ ከተለያዩ የአውሮፓ ከተሞች የመጡ ምዕመናን፣ እንዲሁም ከአውሮፓ፣ ከአሜሪካና ከካናዳ የመጡ ብፁዓን ጳጳሳት በተገኙበት ነበር በተሳካ ኹኔታ የተካኼደው።

ሙሉውን አስነብበኝ ...

በሎንዶን ሦስት አሸባሪዎች ሰባት ሰዎች ገድለው፣ ፵፰ ካቆሰሉ በኋላ በፖሊስ ተገደሉ

London Bridge Attack, on June 3, 2017.
የታጠቁ የእንግሊዝ ፖሊሶች አሸባሪዎችን ሲያድኑ። (የፎቶ ምንጭ: Daily Mail)

ኢዛ (እሁድ ግንቦት ፳፯ ቀን ፳፻፱ ዓ.ም. June 4, 2017)፦ ቅዳሜ ከምሽቱ አራት ሰዓት በኋላ፣ በሎንዶን እምብርት በሚገኘው የሎንዶን ድልድይ አካባቢ ሦስት ጀሃዲስት አሸባሪዎች ሰባት ሰዎችን ገድለው አርባ ስምንት ሰዎችን ካቆሰሉ በኋላ፣ በእንግሊዝ ታጣቂ ፖሊሶች ተገደሉ።

ሙሉውን አስነብበኝ ...

ኢትዮጵያውያን አትሌቶች በሴቶችም በወንዶችም የስቶክሆልም ማራቶንን ውጤት ተቆጣጠሩት

አትሌት አብርሃ | Abraha Milaw
አትሌት አብርሃ የስቶክሆልም ማራቶንን ካሸነፈ በኋላ። (ፎቶ፣ የስዊድኑ TV4)

ኢዛ (ቅዳሜ ግንቦት ፳፮ ቀን ፳፻፱ ዓ.ም. June 3, 2017)፦ በዛሬው ዕለት በስቶክሆልም፣ ስዊድን በተደረገው ፴፱ኛው የስቶክሆልም ማራቶን ኢትዮጵያውያኖቹ አትሌቶች በሴቶችም፣ በወንዶችም አንደኛና ሁለተኛ በመሆን ውጤቱን ተቆጣጠሩት።

ሙሉውን አስነብበኝ ...

የብሔራዊ ቡድን ተጫዋች የነበረው አሰግድ ተስፋዬ በድንገት አረፈ

Asseged Tesfaye
የቀድሞ ብሔራዊ ቡድን ተጫዋች አሰግድ ተስፋዬ፣ በ፵፯ ዓመቱ አረፈ። (ፎቶ፣ ማኅበራዊ ድረ ገጽ)

ኢዛ (ቅዳሜ ግንቦት ፳፮ ቀን ፳፻፱ ዓ.ም. June 3, 2017)፦ የቀድሞው የኢትዮጵያ ብሔራዊ ቡድን የእግር ኳስ ተጫዋች የነበረው አሰግድ ተስፋዬ፤ በዛሬው ዕለት ከልምምድ መልስ በመታጠቢያ ቤት ውስጥ ወድቆ በአርባ ሰባት ዓመቱ በድንገት ሕይወቱ አለፈ። ሥርዓተ ቀብሩ ሰኞ ግንቦት ፳፰ ቀን ከሰዓት በኋላ በስምንት ሰዓት በቅድስት ሳህሊተ ምህረት ቤተክርስቲያን ይፈጸማል።

ሙሉውን አስነብበኝ ...

በኢሬቻ በዓል ላይ ኹከት አስነስተዋል የተባሉ ሁለት ግለሰቦች ክስ ተመሰረተባቸው

የኢሬቻው እልቂት
የኢሬቻው እልቂት፣ መስከረም ፳፪ ቀን ፳፻፱ ዓ.ም. (ፎቶ፣ Reuters)

ኢዛ (ዓርብ ግንቦት ፲፰ ቀን ፳፻፱ ዓ.ም. May 26, 2017)፦ የፌዴራሉ ጠቅላይ አቃቢ ሕግ በኢሬቻ በዓል ላይ ለሃምሳ አምስት ሰዎች መሞት ምክንያት የኾነውን ኹከት እና ብጥብጥ አስነስተዋል ባላቸው የመጀመሪያዎቹ ሁለት ግለሰቦች ላይ ክስ እንደመሰረተባቸው ተዘገበ።

ሙሉውን አስነብበኝ ...

ወጣት ፖለቲከኛው ዮናታን ተስፋዬ ስድስት ዓመት ከመንፈቅ ተፈረደበት

ዮናታን ተስፋዬ | Yonatan Tesfaye
ወጣቱ ፖለቲከኛ ዮናታን ተስፋዬ በፌስቡክ ጽሑፍ 6 ዓመት ከ6 ወር እስር ተፈረደበት

ኢዛ (ኀሙስ ግንቦት ፲፯ ቀን ፳፻፱ ዓ.ም. May 25, 2017)፦ ዛሬ በአዲስ አበባ ያስቻለው የከፍተኛ ፍርድ ቤት በቀድሞው የሠማያዊ ፓርቲ የሕዝብ ግንኙነት ኃላፊ ዮናታን ተስፋዬ ላይ በተመሰረተው የአሸባሪነት ወንጀል ክስ የስድስት ዓመት ከስድስት ወር እስራት ቅጣት ፈረደበት።

ሙሉውን አስነብበኝ ...

ከሳውዲ ዐረቢያ ለሚባረሩት ኢትዮጵያውያን ከሦስት መቶ ሺህዎቹ ሠላሳ ሺህዎቹ ብቻ ሊሴ ፓሴ ተሰጣቸው

An Ethiopian worker argues with a member of the Saudi security forces.
በደቡብ ሪያድ ኢትዮጵያዊ ሠራተኛ ከሳውዲ ጥበቃ ኃይሎች ጋር ሲከራከር፣ ኖቨምበር ፲፩፣ ፳፻፲፫ እ.ኤ.አ. (ፎቶ፣ REUTERS/Faisal Al Nasser)

ኢዛ (ኀሙስ ግንቦት ፲፯ ቀን ፳፻፱ ዓ.ም. May 25, 2017)፦ ሳውዲ ዐረቢያ ሕጋዊ የመኖሪያ እና የሥራ ፍቃድ ሳይኖራቸው በአገሪቱ የሚገኙ ኢትዮጵያውያንን ልታባርር ያወጣችውን አዲስ አዋጅ ተከትሎ የኢትዮጵያ ለ30 ሺህዎቹ ጊዜያዊ የመጓጓዣ ወረቀት (ሊሴ ፓሴ) ሰጠ። ከሳውዲ የሚባረሩት ኢትዮጵያውያን ቁጥር 300 ሺህ ነው። ወደ ሳውዲ ያቀኑት የውጭ ጉዳይ ሚንስትር ዶ/ር ወርቅነህ ገበየሁ የሳውዲ ባለሥልጣናትን በጉዳዩ ላይ ዛሬ ያነጋግራሉ።

ሙሉውን አስነብበኝ ...

የዶ/ር ቴዎድሮስ መመረጥ - ድጋፍና ተቃውሞ

Dr. Tedros Adhanom
አዲስ የተመረጡት የዓለም ጤና ድርጅት ዋና ዳይሬክተር ዶ/ር ቴዎድሮስ አድኃኖም፣ ከምርጫው በኋላ በፈገግታ ታጅበው። (ፎቶ፣ Valentin Flauraud / EPA)

ቪኦኤ፣ የተባበሩት መንግሥታት የዓለም ጤና ድርጅት ሰባኛ ጠቅላላ ጉባዔ የኢትዮጵያውን ዶ/ር ቴዎድሮስ አድኃኖምን የድርጅቱ ስምንተኛ ዋና ዳይሬክተር እንዲሆኑ ዛሬ፤ ግንቦት 15/2009 ዓ.ም መርጧቸዋል።

ሙሉውን አስነብበኝ ...

ዶ/ር ቴዎድሮስ አድኃኖም በጄኔቭ ተቃውሞ ገጠማቸው

Anti-Tedros Adhanom
በዶ/ር ቴድሮስ አድሃኖም ላይ በጄኔቭ ተቃውሞ ሲቀርብ

ኢዛ (ሰኞ ግንቦት ፲፬ ቀን ፳፻፱ ዓ.ም. May 22, 2017)፦ ለዓለም የጤና ድርጅት ለዳይሬክተርነት በእጩነት ከቀሩት ሦስቱ አንዱ የሆኑት ዶ/ር ቴዎድሮስ አድኃኖም በዛሬው ዕለት ተቃውሞ እንደገጠማቸው ኢሳት በሰበር ዜናው ዘገበ።

ሙሉውን አስነብበኝ ...

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!