Ethiopian parliament building

የኢትዮጵያ ፓርላማ ሕንፃ

የፓርላማ አባላቱ የመጨረሻው ዓመት ነው

ኢዛ (እሁድ መስከረም ፳፭ ቀን ፳፻፲፪ ዓ.ም. October 6, 2019):- የሕዝብ ተወካዮች ምክር ቤት የ2012 ዓ.ም መደበኛ ሥራውን ለመጀመር ነገ መስከረም 26 ቀን 2012 ዓ.ም. በይፋ ይከፈታል።

በየዓመቱ እንደሚኾነው የሕዝብ ተወካዮች ምክር ቤትና የፌዴሬሽን ምክር ቤት አምስተኛ ዓመት የሥራ ዘመን በጋራ የሚከፈት ይሆናል።

በጋራ ምክር ቤቶቹ የነገው የመክፈቻ ሥርዓት ላይ የ2012 ዓ.ም. የአገሪቱ ዐበይት ክንውኖችና ትኩረት ተሰጥቷቸው የሚሠሩባቸው ዋና ዋና ተግባራት የሚጠቆሙበት ይሆናል ተብሎ ይጠበቃል።

አሁን በሥራ ላይ ያሉት የሕዝብ ተወካዮች ምክር ቤት አባላት የተመረጡበት አምስተኛ ዓመትና የመጨረሻ የአገልግሎት ጊዜያቸው ይሆናል።

ምርጫው በተያዘለት የጊዜ ገደብ የሚካሄድ ከሆነ፤ በቀጣዩ ዓመት የሕዝብ ተወካዮች ምክር ቤት በአዳዲስ የፓርላማ አባላት ሊሠየም ይችላል። እስካሁን ግን ምርጫው ይካሄድ አይካሄድ የሚለው ጉዳይ የጠራ መልስ አለማግኘቱ ይታወቃል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!