Gedu Andargachew with Trump

(ፎቶ፣ ከግራ ወደቀኝ)፣ የሱዳን የውጭ ጉዳይ ሚኒስትር አስማ አብደላ፣ የውኃና ኢነርጂ ሚኒስትር ዶ/ር ኢንጂንየር ስለሺ በቀለ፣ የውጭ ጉዳይ ሚኒስትር አቶ ገዱ አንዳርጋቸው፣ ፕ/ት ዶናልድ ትራምፕ፣ የግብጽ የውጭ ጉዳይ ሚኒስትር ሳሚ ሻኩሪ፤ በኋይት ሐውስ የፕሬዘዳንቱ ጽሕፈት ቤት። (ረቡዕ ጥቅምት 26 ቀን 2012 ዓ.ም. November 6, 2019)

የህዳሴው ግድብ በዋሽንግተን ዛሬ በአሜሪካን ጥሪ ይመከርበታል

ኢዛ (ረቡዕ ጥቅምት ፳፮ ቀን ፳፻፲፪ ዓ.ም. November 6, 2019)፦ የኢትዮጵያ፣ የግብጽና የሱዳን የውጭ ጉዳይ ሚኒስትሮች በህዳሴው ግድብ ዙሪያ ዛሬ በዋሽንግተን መምከር ጀመሩ። ለዚሁ ውይይት የኢትዮጵያው የውጭ ጉዳይ ሚኒስትር አቶ ገዱ አንዳርጋቸው የሚመሩት የልዑካን ቡድን ከትናንት በስቲያ ዋሽንግተን ገብቷል።

በአሜሪካ ግብዣ መሠረት ሦስቱ አገራት በዋሽንግተን ዲሲ የሚደረገው ውይይት ድርድር እንዳልሆነ የኢትዮጵያ የውጭ ጉዳይ ሚኒስትሩ አስታውቋል።

በአቶ ገዱ አንዳርጋቸው (ፎቶ፣ ከግራ ወደቀኝ 6ኛ ላይ) የተመራው የልዑካን ቡድንን ሰኞ ዕለት (ጥቅምት 24 ቀን 2012 ዓ.ም.) ዋሽንግተን አየር ማረፊያ የተቀበሏቸው አምባሳደር ፍጹም አረጋ ናቸው።
በአቶ ገዱ አንዳርጋቸው (ፎቶ፣ ከግራ ወደቀኝ 6ኛ ላይ) የተመራው የልዑካን ቡድንን ሰኞ ዕለት (ጥቅምት 24 ቀን 2012 ዓ.ም.) ዋሽንግተን አየር ማረፊያ የተቀበሏቸው አምባሳደር ፍጹም አረጋ ናቸው።

ይህ በእንዲህ እንዳለ የአሜሪካው ፕሬዚዳንት ዶናልድ ትራንፕ በህዳሴው ግድብ ዙሪያ የተፋሰሱ አገሮች የሚያካሂዱትን ውይይት እንደሚደግፉ ገልጸዋል።

ፕሬዝዳንት ትራንፕ በዚሁ ጉዳይ ላይ ከትናንት በስቲያ (ሰኞ) ከግብጹ ፕሬዝዳንት ጋር በስልክ ባደረጉት ውይይት፤ የተፋሰሱ አገሮች የሚያደርጉትን ውይይት አሜሪካ እንደምትደግፍ እንደገለጹላቸው ኋይት ሐውስ አስታውቋል።

ከዚሁ ጉዳይ ጋር በተያያዘ አንድ የሱዳን ሚዲያ፤ ኡጋንዳ፣ ግብጽና ደቡብ ሱዳን በጥምረት ኾነው በኢትዮጵያ ላይ ደባ እየፈጸሙ ስለመኾኑ የሚጠቁም ዝርዝር ዘገባ ይፋ አድርጓል። በአንድ የቀድሞ የኡጋንዳ ደኅንነት ሰው የወጣው ምስጢር፤ ግብጽ ከጀርባ ኾና ኢትዮጵያን ለመጫን የተለያዩ አማራጮች እያየች ስመኾንዋም ያትታል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!