National bank of Ethiopia

የኢትዮጵያ ብሔራዊ ባንክ

መመሪውያው የግል ባንኮችን በእጅጉ ጎድቷል ተብሎ በተደጋጋሚ አቤቱታ ሲቀርብበት ነበር

ኢዛ (ዓርብ ኅዳር ፲፪ ቀን ፳፻፲፪ ዓ.ም. November 22, 2019)፦ የግል ባንኮችን በእጅጉ ጎድቷል ተብሎ በተደጋጋሚ አቤቱታ ሲቀርብበት የነበረው አስገዳጅ የ27 በመቶ ቦንድ ግዥ መመሪያ ተሻረ።

የኢትዮጵያ ብሔራዊ ባንክ ከ2003 ዓ.ም. ጀምሮ በግል ባንኮች ላይ በአስገዳጅነት ሲተገበር የነበረው የቦንድ ግዥ መሻሩን ያስታወቀው ትናንት ኅዳር 11 ቀን 2012 ዓ.ም. ነው።

ይህ መመሪያ የግል ባንኮች ከእያንዳንዱ ከሚያበድሩት ገንዘብ 27 በመቶ እያሰሉ ለኢትዮጵያ ብሔራዊ ባንክ ቦንድ ግዥ እንዲያውሉ ያስገድድ የነበረና ለቦንድ ግዥው ያዋሉትም ገንዘብ ከአምስት ዓመት በኋላ በአነስተኛ ወለድ እንዲመለስላቸው የሚያደርግ መመሪያ ነበር።

በዚህም 16ቱ የግል ባንኮች ከ110 ቢሊዮን ብር በላይ የቦንድ ግዥ የፈጸሙ መኾኑ ይነገራል። በአሁኑ ወቅትም ከ85 ቢሊዮን ብር በላይ ያልተመለሰላቸው በመኾኑ፤ የገንዘብ የቦንድ ግዥው ከተፈጸመ አምስት ዓመት የሞላውን በየዓመቱ እንዲመለስላቸው የሚያደርግ ነው። የዚህ መመሪያ መነሳት በግል ባንኮች ዘንድ ደስታን ፈጥሯል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!