Happy Ethiopian Newy Year! መልካም አዲስ ዓመት ይሁንልዎ!

Birhanu Nega (Prof.)

የኢዜማ መሪ ፕሮፌሰር ብርሃኑ ነጋ መግለጫውን በሰጡበት ወቅት

ዘግይተው ምርጫ የተጀመረባቸው ቦታዎች ሰዓት እንዲጨመር ጠይቋል

ኢዛ (ሰኞ ሰኔ ፲፬ ቀን ፳፻፲፫ ዓ.ም. June 21, 2021)፦ በዛሬው ምርጫ 2013 ላይ ጥሩ ነገሮች እንደታዩ ሁሉ፤ የተለያዩ ችግሮችንም መመልከቱን ኢዜማ አስታወቀ። ዘግይተው ምርጫ የተጀመረባቸው ቦታዎች ሰዓት እንዲጨመር ጠይቋል።

የኢዜማ አመራሮች ዛሬ ሰኞ ሰኔ 14 ቀን 2013 ዓ.ም. ከሰዓት በኋላ በሰጡት መግለጫ፤ ምርጫው ሦስት ጥቅል ችግሮች ማየቱን ገልጾ፤ አንደኛው በአማራና በደቡብ ክልሎች የፖለቲካ ፓርቲ ታዛቢዎች ከጠዋት ጀምሮ እንዳይገቡ የተከለከሉበት ነው።

የኢዜማ መሪ ፕሮፌሰር ብርሃኑ ነጋ የፓርቲያቸው ታዛቢዎች እንዳይገቡ የተከለከሉበት ሁኔታ መኖሩን እና ምርጫ ጣቢያ ከገቡ በኋላ የተባረሩ እንዳሉ ገልጸዋል።

ሁለተኛው ችግር የታየው አዲስ አበባ ላይ መኾኑን የገለጹት ፕ/ር ብርሃኑ፤ በአብዛኛው የምርጫ ካርድ ባልደረሰባቸው ቦታዎች የተፈጠሩ መዘግየቶች ናቸው። በጥቅል ሲታይም ይህ ጉዳይ አጠቃላይ የምርጫውን ሒደት አዘግይቶታል።

በዚህ ምክንያት ዘግይተው ምርጫ የተጀመረባቸው ቦታዎች የምርጫ ሰዓት እንዲጨመር ምርጫ ቦርዱን መጠየቃቸውንም ፕ/ር ብርሃኑ ተናግረዋል።

በአዲስ አበባ ሌላው የታየው ችግር በአንዳንድ ቦታዎች ላይ የካሬድዎች ቅስቀሳ መኾኑንም አመልክተዋል።

እንደ ፕ/ር ብርሃኑ ገለጻ፤ በአገሪቱ ባሉ የምርጫ ጣቢያዎች ብዙ ሰዎች አሰማርተን ከጠዋት ጀምሮ እየተከታተልን ነው። እንዲህ ያለ ሁኔታ ላይ ጥሩ ነገሮች እንዳሉ ሁሉ፤ መጥፎ ነገሮችም ይፈጠራሉ። አሁን የሚሰጡት መግለጫም ምርጫውን በሚመለከት አሁን የሚሰጡ መረጃዎች የመጨረሻ ስሜትና ውጤት ማለት ሳይኾን፤ አንዳንዶቹ ቶሎ ምፍትሔ የሚፈልጉ ስለኾኑ፤ ምርጫው ከመጠቃለሉ በፊት እንዲያግዝ በሚል እንደኾነም አመልክተዋል።

የፓርቲው አመራሮች በዛሬው ምርጫ ዙሪያ የፓርቲው መሪ እና ሌሎች አመራሮች የሰጡት ሙሉ መግለጫ ቪዲዮ የሚከተለው ነው። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!