Happy Ethiopian Newy Year! መልካም አዲስ ዓመት ይሁንልዎ!

የመጀመሪያውን ይፋዊ ምርጫ 2013 ውጤት (አንድ የአማራና ሁለት የኦሮሚያ ምርጫ ክልሎች የተወካዮች ምክር ቤት መቀመጫዎች ውጤት)

የመጀመሪያውን ይፋዊ ምርጫ 2013 ውጤት (አንድ የአማራና ሁለት የኦሮሚያ ምርጫ ክልሎች የተወካዮች ምክር ቤት መቀመጫዎች ውጤት)

አብን በጢስ ዓባይ ምርጫ ክልል አንድ የተውካዮች እና ሁለት የክልል ምክር ቤቶች መቀመጫዎች አሸነፈ
ብልጽግና ኦሮሚያ ሁለት የተወካይች ምክር ቤትና 27 የክልል ምክር ቤትች መቀመጫዎችን አሸንፏል

ኢዛ (ረቡዕ ሰኔ ፳፫ ቀን ፳፻፲፫ ዓ.ም. June 30, 2021)፦ የኢትዮጵያ ብሔራዊ ምርጫ ቦርድ የመጀመሪያውን የስድስተኛው አጠቃላይ አገራዊ ምርጫ 2013 ይፋዊ የምርጫ ውጤት ዛሬ ረቡዕ ሰኔ 23 ቀን ገለጸ። በዚህም መሠረት በአማራ ክልል የጢስ ዓባይ ምርጫ ክልልን እና በኦሮሚያ ክልል የበደሌ እና የጭሮ-3 ምርጫ ክልሎችን ውጤት ይፋ አድርጓል።

በአማራ ክልል የጢስ ዓባይ ምርጫ ክልል አንድ የተወካዮች ምክር ቤት እና ሁለት የክልል ምክር ቤቶችን መቀመጫዎች የአማራ ብሔራዊ ንቅናቄ (አብን) አሸንፏል።

በኦሮሚያ በበደሌ ምርጫ ክልል አንድ የተወካዮች ምክር ቤት መቀመጫ እና ሦስት የክልል ምክር ቤት መቀመጫዎች፤ በጭሮ-3 ምርጫ ክልል አንድ የተወካዮች ምክር ቤት መቀመጫ እና ሦስት የክልል ምክር ቤት መቀመጫዎችን ብልጽግና ፓርቲ ማሸነፉን ምርጫ ቦርድ አስታውቋል።

ከዚህም ሌላ በሰባት የምርጫ ክልሎች ውስጥ በያንዳንዳቸው ሦስት ሦስት የክልል ምክር ቤት መቀመጫዎች፤ ብልጽግና ፓርቲ አሸናፊ ኾኗል። እነዚህ ሰባት የምርጫ ክልሎች ጭሮ-2 ምርጫ ክልል፣ ጮራ ምርጫ ክልል፣ ጎማ-2 ምርጫ ክልል፣ ሀብሮ-2 ምርጫ ክልል፣ ከሞና ምርጫ ክልል፣ ሌመን ምርጫ ክልል እና ማሳላ ምርጫ ክልል ናቸው።

በዚህም መሠረት በኦሮሚያ ሁለት የተወካዮች ምክር ቤት መቀመጫዎች እና 27 የክልል ምክር ቤት መቀመጫዎችን ብልጽግና ማሸነፉን ይኸው የምርጫ ቦርድ የምርጫ ውጤት አስታውቋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!