Happy Ethiopian Newy Year! መልካም አዲስ ዓመት ይሁንልዎ!

PM Abiy Ahmed Election 2021 result

የዶ/ር ዐቢይ የተረጋገጠው የምርጫ ውጤት ይፋ ኾነ

76,892 ድምፅ አግኝተዋል
ተፎካካሪያቸው ያገኙት ድምፅ 236 ነው

ኢዛ (ሰኞ ሰኔ ፳፰ ቀን ፳፻፲፫ ዓ.ም. July 5, 2021)፦ የኢትዮጵያ ብሔራዊ ምርጫ ቦርድ በአሁኑ ወቅት የተረጋገጡ የምርጫ 2013 ውጤቶችን ይፋ እያደረገ ሲሆን፤ ዛሬ ይፋ ካደረጋቸው የተረጋገጡ የምርጫ ውጤቶች መካከል ዶክተር ዐቢይ አሕመድ አሸናፊ የኾኑበትን የምርጫ ውጤት አስታውቋል።

በተረጋገጠው የምርጫ ውጤት መሠረት ዶ/ር ዐቢይ አሕመድ በጎማ ሁለት የምርጫ ክልል ከሁለት ፓርቲ ተወካዮች ጋር ተወዳድረው አሸናፊ የኾኑበት ድምፅ 76,892 መኾኑን ምርጫ ቦርድ አስታውቋል።

ዶ/ር ዐቢይ በተወዳደሩበት የምርጫ ክልል ከብልጽግና ሌላ እጩዎቻቸውን አቅርበው የነበሩት ኅብር ፓርቲ እና ኢዜማ ናቸው።

በምርጫ ቦርድ የዛሬ መረጃ መሠረት፤ የብልጽግናው ተወካይ ዶ/ር ዐቢይ ካገኙት ድምፅ ቀጥሎ ከፍተኛ ድምፅ ያገኘው ተፎካካሪ 236 ድምፅ ማግኘቱን አስታውቋል።

ይህም በአሸናፊው ዶ/ር ዐቢይ አሕመድ እና በቀጣዩ ተወዳዳሪ መካከል ያለው ልዩነት 76,626 መኾኑንም የምርጫ ቦርድ አረጋግጧል።

ዶ/ር ዐቢይ በተወዳደሩበት ጎማ ሁለት የምርጫ ጣቢያ፤ 85 የምርጫ ጣቢያዎች እንደነበሩ የገለጸው ቦርዱ፤ በእነዚህ የምርጫ ጣቢያዎ 79,275 መራጮች ተመዝግበው እንደነበር አስታውሷል። ይህንን ዜና ለንባብ ባበቃንበት ሰዓት ምርጫ ቦርድ የተረጋገጡ የምርጫ ውጤቶችን በመግለጽ ላይ ይገኛል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!