Sudanese soldiers

የሱዳን ወታደሮች

“አንድ የሱዳን የጦር መኮንን ሲሞት በርካቶች ቆስለዋል” የሱዳን የጦር ቃል አቀባይ

ኢዛ (ዓርብ ግንቦት ፳፩ ቀን ፳፻፲፪ ዓ.ም. May 29, 2020)፦ በኢትዮጵያና በሱዳን ድንበር ላይ በሁለቱ አገሮች ወታደሮች መካከል ጦርነት መከፈቱንና በተካሔደው ውጊያም ሕይወት መጠፋቱ ተገለጸ።

ሮይተርስ እንደዘገው በሁለቱ አገሮች ድንበር ላይ ባለፉት ሦስት ቀናት ከፍተኛ የሚባል ጦርነት አልቃዳሪፍ በተባለ ቦታ መጀመሩን የሚጠቁም ነው።

በዚሁ ጉዳይ ላይ የሱዳን ጦር ቃል አቀባይ ብርጋዴር ጄኔራል አሚር መሐመድ አል ሐሰን እንደገለጹት በኢትዮጵያና በሱዳን መካከል ከባድ ጦርነት እየተካሔደ መኾኑን ነው።

በአገሪቱ የቴሌቭዥን ጣቢያ ቀርበው በሰጡት መግለጫቸው በኢትዮጵያ የሚደገፉ ታጣቂዎች እና በሱዳን ወታደሮች መካከል የተከፈተው ጦርነት አንድ የሱዳን ጦር መኮንን መሞቱንና በርካታ ወታደሮች መቁሰላቸውን ተናግረዋል።

ጦርነቱ እየተካሔደ ነው የተባለበት የድንበር አካባቢ የእርሻ ቦታ ሲሆን፤ በተደጋጋሚ ግጭት የሚፈጠርበት እንደነበር ዘገባው ያመላክታል።

በኢትዮጵያ ወገን ጦርነቱ በኢትዮጵያ ሚሊሺያዎችና እና በሱዳን ጦር መካከል የተካሔደው ውጊያም አንድ የውኃ ጉድጓድ ከመቆጣጠር ጋር በተያያዘ እንደኾነ ዘገባዎች እያመለከቱ ነው። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!