Happy Ethiopian Newy Year! መልካም አዲስ ዓመት ይሁንልዎ!

PM Abiy Ahmed held a meeting with Opposition parties and Civic organizations

ጠ/ሚ ዶ/ር ዐቢይ አሕመድ ከተፎካካሪ ፓርቲዎች አመራሮችን ከሲቪክ ማኅበረሰብ ተወካዮች ጋር ሲወያዩ (ፎቶ፣ ከጠ/ሚ ጽሕፈት ቤት)

ምርጫው ዴሞክራሲያዊ እንዲኾን መግባባት ላይ መደረሱ ተገለጸ
የተፎካካሪ ፓርቲዎች ጠቅላይ ሚኒስትሩን አመስግነዋል

ኢዛ (ረቡዕ ኅዳር ፳፫ ቀን ፳፻፲፫ ዓ.ም. December 2, 2020)፦ ጠቅላይ ሚኒስትር ዶ/ር ዐቢይ አሕመድ ከተፎካካሪ ፓርቲዎች አመራሮች እና የሲቪክ ማኅበራት ተወካዮች ጋር በቀጣዩ ምርጫ ዙሪያ መወያየታቸውንና ምርጫው ዴሞክራሲያዊ የሚኾንበትን መንገድ በተመለከተ መግባባት ላይ ስለመደረሱ ተገለጸ።

በትግራይ ክልል የተካሔደውን የሕግ ማስከበር ዘመቻ በድል መጠናቀቁ በተገለጸበት ማግስት፤ ጠቅላይ ሚኒስትሩ ከተፎካካሪ ፓርቲዎች እና ሲቪክ ማኅበራት ተወካዮች ጋር በምርጫ ዙሪያ ያደርጉት ውይይት፤ ከምርጫው ጋር የተያያዙ በርካታ ጉዳዮች የተነሱበት ሲሆን፤ የተፎካካሪ ፓርቲዎች የተለያዩ ጥያቄዎች ያቀረቡበት ነውም ተብሏል።

ከውይይቱ በኋላ ጠቅላይ ሚኒስትር ዶ/ር ዐቢይ አሕመድ በማኅበራዊ ትስስር ገጻቸው እንዳሰፈሩት፤ “ከፖለቲካ ፓርቲዎች አመራሮች እና ሲቪክ ማኅበረሰብ ተወካዮች ጋር ዛሬ ባካሔድነው ውይይት፤ ቀጣዩ ምርጫ ዴሞክራሲያዊ የሚኾንበትን መንገድ በተመለከተ መግባባት ላይ ደርሰናል” ብለዋል።

የፌዴራል መንግሥት በኢትዮጵያ ነፃና ፍትሓዊ ምርጫ የሚካሔድበትን መሠረት ለመጣል በቁርጠኝነት መሥራቱን እንደሚቀጥል በውይይት መድረኩ ላይ መግለጻቸውንም ጠቁመዋል።

ይህ በእንዲህ እንዳለ መንግሥት በሕወሓት ቡድን ላይ ባካሔደው ሕግ የማስከበር እርምጃ ለተገኘው ድል፤ ተፎካካሪ ፓርቲዎቹ ለጠቅላይ ሚኒስትሩ ምስጋና ማቅረባቸው ተገልጿል።

ተፎካካሪ ፓርቲዎቹ ሕግ በማስከበሩ ዘመቻ የተገኘውን ውጤት በማወደስና የአገር መከላከያ ሠራዊት ተጋድሎም በታሪክ የሚወሳ መኾኑን በማመልከት አክብሮታቸውን መግለጻቸው ተዘግቧል።

በቀጣይም በየቦታው የአገር አንድነት ለማፍረስና የሕዝብን ሰላም ለማወክ የሚንቀሳቀሱት ላይ መንግሥት ተመሳሳይ እርምጃ ሊወስድ እንደሚገባ ማሳሰባቸው ታውቋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!