Happy Ethiopian Newy Year! መልካም አዲስ ዓመት ይሁንልዎ!

Headquarters of the Commercial Bank of Ethiopia (CBE)

የኢትዮጵያ ንግድ ባንክ አዲሱ ዋና መሥሪያ ቤት

የሀብት መጠኑን 999 ቢሊዮን ብር አድርሷል

ኢዛ (ሐሙስ ሐምሌ ፩ ቀን ፳፻፲፫ ዓ.ም. July 8, 2021)፦ የኢትዮጵያ ንግድ ባንክ በታሪኩ ከፍተኛ የተባለውንና ከታክስ በፊት 20.3 (ሃያ ነጥብ ሦስት) ቢሊዮን ብር ትርፍ ማግኘቱን አመለከተ።

ከ80 ዓመታት በላይ ዕድሜ ያለው የኢትዮጵያ ንግድ ባንክ በ2013 በጀት ዓመት ያገኘው ትርፍ በታሪኩ ለመጀመሪያ ጊዜ የተመዘገበ ከፍተኛ ትርፍ መኾኑንም ገልጿል።

ባንኩ ከዚህ ትርፍ ባሻገር በበጀት ዓመቱ ማሰባሰብ የቻለው የተቀማጭ ገንዘብ መጠን ከ140 ቢሊዮን ብር በላይ መድረሱን አሳውቋል።

ከባንኩ በተገኘው መረጃ መሠረት፤ ባንኩ በአንድ ዓመት በዚህን ያህል ደረጃ ተቀማጭ ገንዘብ አሰባስቦ የማያውቅ መኾኑ ነው። ይህም አጠቃላይ የባንኩን ተቀማጭ ገንዘብ መጠን ከ735 ቢሊዮን ብር በላይ ማድረስ አስችሎታል።

ባንኩ ዛሬ ሐሙስ ሐምሌ 1 ቀን 2013 ዓ.ም. በሰጠው መግለጫ፤ ለተለያዩ የኢንቨስትመንት መስኮች የሰጠው ብድር (የቦንድ ሽያጭን ጨምሮ) ከ107 ቢሊዮን ብር በላይ እንደኾንም አስታውቋል።

በኢትዮጵያ ትልቁ ባንክ በመኾን የሚጠቀሰው የኢትዮጵያ ንግድ ባንክ፤ በአሁኑ ወቅት አጠቃላይ የሀብት መጠኑን ወደ 999 ቢሊዮን ብር ማድረስ መቻሉንም ገልጿል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!