TeleBirr

ቴሌብር

4ጂ 67 ከተሞች ላይ ደርሷል

ኢዛ (ቅዳሜ ሐምሌ ፫ ቀን ፳፻፲፫ ዓ.ም. July 10, 2021)፦ በቅርቡ “ቴሌብር” በሚል ስያሜ የጀመረው ኢትዮ ቴሌኮም በዚህ አገልግሎት ለመጠቀም የተመዘገቡ ደንበኞቹን ቁጥር ከስድስት ሚሊዮን በላይ ማድረሱ ተመለከተ።

ኢትዮ ቴሌኮም በቴሌብር አገልግሎት በመጠቀም ገንዘብ ለማንቀሳቀስ የተጠቀሙትን ደንበኞች ስድስት ሚሊዮን ማድረስ የቻለው ሁለት ወር ባልሞላ ጊዜ ውስጥ መኾኑንም አመልክቷል።

በዚህ አገልግሎት በመቶ ሚሊዮን ብር በመንቀሳቀስ ላይ ሲሆን፣ አገልግሎቱን ለመጠቀም የሚሹ ደንበኞቹን ቁጥር እያሳደገም ነው።

ይህ በእንዲህ እንዳለ ኢትዮ ቴሌኮም በአዲስ አበባ ብቻ ተወስኖ የቆየውን የ4ጂ ኤል.ኢ.ቲ. አድቫንስ አገልግሎት በአገሪቱ የተለያዩ ከተሞች በማስፋት ላይ የሚገኝ ሲሆን፤ ዛሬ አገልግሎቱን በጐንደር እና በደብረ ታቦር በመጀመር የ4ጂ ፈጣን የኢንተርኔት ተጠቃሚ ከተሞችን ቁጥር 67 ደርሷል።

ድርጅቱ የ4ጂ አገልግሎቱን ለማስፋት በያዘው እቅድ መሠረት በአጭር ጊዜ ውስጥ 103 ከተሞችን ለማዳረስ እየሠራ ነው።

በአሁኑ ወቅት ከ55 ሚሊዮን በላይ ሞባይል ደንበኞች ያሉት ኢትዮ ቴሌኮም፤ ከ25 ሚሊዮን በላይ ኢንተርኔት ተጠቃሚዎች ናቸው። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!