Happy Ethiopian Newy Year! መልካም አዲስ ዓመት ይሁንልዎ!

European Union Flag

የአውሮፓ ሕብረት ባንዲራ

በትግራይ የሰብአዊ መብት አያያዝ ላይ እየተካሔደ ባለው የማጣራት ሒደት ላይ ሕብረቱ ጣልቃ ገብ መኾኑን ተገልጿል

ኢዛ (ማክሰኞ ሐምሌ ፮ ቀን ፳፻፲፫ ዓ.ም. July 13, 2021)፦ በትግራይ የሰብአዊ መብት አያያዝ ላይ የአውሮፓ ሕብረት አሳለፈ የተባለው ውሳኔ እየተካሔደ ባለው የማጣራት ሒደት ላይ ጣልቃ መግባት መኾኑን በመግለጽ የአውሮፓ ሕብረትን ውሳኔ የኢትዮጵያ መንግሥት የሚያሳዝን ብሎታል።

በውጭ ጉዳይ ሚኒስቴር በኩል የወጣው የኢትዮጵያ መንግሥት መግለጫ በትግራይ ክልል በተካሔደው ሕግ የማስከበር ዘመቻ ወቅት ተፈጽመዋል የተባሉ የሰብአዊ መብት ጥሰቶችን ለማጣራት የኢትዮጵያ ሰብአዊ መብት ኮምሽን ከሰብአዊ መብቶች ከፍተኛ ኮምሽነር ከተውጣጡ አካላት ጋር መርማሪ ቡድን ለማሰማራት መንግሥት መስማማቱን አስታውሷል።

አያይዞም የመርማሪ ቡድኑ በግንቦት ወር ምርመራ የጀመረ ሲኾን፣ ነሐሴ 2013 ዓ.ም. ይጠናቀቃል ተብሎ የሚጠበቅ መኾኑንም በማስታወስ፤ የአውሮፓ ሕብረት ይህንን ውሳኔ ከመወሰኑ በፊት የኢትዮጵያ መንግሥት የውሳኔ ሐሳቡን በተመለከተ ያቀረበው አቤቱታ ከግምት ውስጥ እንዳልገባም ይኸው የውጭ ጉዳይ ሚኒስቴር መግለጫ አመልክቷል።

በዚሁ የዛሬው (ማክሰኞ ሐምሌ 6 ቀን 2013 ዓ.ም.) መግለጫ በትግራይ ክልል ተፈጽሟል ስለተባለው የሰብአዊ መብት አያያዝ በአሁኑ ሰዓት የወታደራዊ የፍትሕ ሥርዓትን፣ የክልል ሕግ አስከባሪ ባለሥልጣናትን፣ የፌዴራል መርማሪዎችን እና የዓቃቤ ሕግን በማቀናጀት ምርመራዎች እየተደረጉ ስለመኾኑም አስታወሷል።

ከዚህ አንጻር የአውሮፓ ሕብረት ውሳኔ እጅግ የፈጠነና የተቀናጀ የሰብአዊ መብት ጥሰት ሁኔታ ላይ የሚካሔደው ምርመራ ሒደቱ ላይ ጣልቃ መግባት መኾኑንም ይኸው የኢትዮጵያ መንግሥትን አቋም ያንጸባረቀው መግለጫ በኢትዮጵያ መንግሥት ጉዳዩ እንዲጣራ አስፈላጊውን ትብብር እያደረገ ባለበት ሰዓት፤ ሕብረቱ ውሳኔ ማሳለፉ ተገቢ እንዳልኾነም አመልክቷል።

የአውሮፓ ሕብረት አሳልፏል። የተባለው ውሳኔና የኢትዮጵያን መንግሥት ያስቆጣው የአውሮፓ ሕብረት ለተባበሩት መንግሥታት የሰብአዊ መብት ጉባዔ ያቀረበው የውሳኔ ሐሳብ በጉባዔው ከመፅደቁ ጋር የተያያዘ ነው።

ሕብረቱ ባቀረበው የውሳኔ ሐሳብ በትግራይ ያለው ሁኔታ በጣም አሳሳቢ መኾኑንና በወንጀል የሚያስጠይቅ መኾኑን የሚጠቁም እና የኤርትራ ጦርም ከትግራይ ይውጣ የሚል ይዘት ያለው ነው። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!