Happy Ethiopian Newy Year! መልካም አዲስ ዓመት ይሁንልዎ!

Eskinder Nega

እስክንድር ነጋ

በአርቲስት ሐጫሉ ሁንዴሳ ግድያ የተጠረጠረው በሞት እንዲቀጣ ተጠየቀ

ኢዛ (ሐሙስ ሐምሌ ፰ ቀን ፳፻፲፫ ዓ.ም. July 15, 2021)፦ ከዛሬ ሐምሌ 8 ቀን 2013 ዓ.ም. ጀምሮ በእነእስክንድር ነጋ የክስ መዝገብ የዓቃቤ ሕግ ምስክር በመኾን ለአምስት ቀናት መሰማት ይጀመራል የተባለው ምስክሮች የመስማት ሒደት ሳይካሔድ ቀረ።

ከዛሬ ጀምሮ ይሰማል የተባለው ምስክር የመስማቱ ሒደት ሳይካሔድ የቀረው፤ ዓቃቤ ሕግ ምስክሮቹን ባለማቅረቡ ነው።

ዓቃቤ ሕግ ምስክሮቹን ማቅረብ ያልቻለው ለምስክሮቹ ጥበቃ ለማድረግ ጊዜ የሚያስፈልገው መኾኑን ለፍርድ ቤቱ አመልክቷል።

የምስክሮቹን ደኅንነት እና ጥበቃ ለማረጋገጥ ጊዜ እፈልጋለሁ ያለው ዓቃቤ ሕግ፤ ተለዋጭ ቀጠሮ እንዲሰጠውም ፍርድ ቤቱን ጠይቋል።

የተከሳሾች ጠበቆቹም ዓቃቤ ሕግ ያቀረባቸውን ምክንያቶች በቂ ባለመኾናቸው፤ በደንበኞቻቸው ላይ የቀረበው ክስ ተቋርጦ በነፃ እንዲሰናበቱ ጠይቅዋል። ተከሳቾቹም ይህንኑ የጠበቆቹን ጥያቄ በማጠናከር፤ ዓቃቤ ሕግ ምስክሮቹን ማቅረብ ባለመቻሉ መዝገቡ ተዘግቶ በነፃ እንዲሰናበቱ ፍርድ ቤቱን ጠይቀዋል።

ፍርድ ቤቱም ዓቃቤ ሕግ ያቀረበው ምክንያት ቀጠሮ የሚያስቀይር ኾኖ እንዳላገኘው በመግለጽ፤ ዓቃቤ ሕግ አሉኝ የሚላቸውን ምስክሮች ነገ ሐምሌ 9 ቀንን 2013 ዓ.ም. እንዲያቀርባቸው ትእዛዝ ሰጥቷል።

ይህ በእንዲህ እንዳለ፤ በአርቲስት ሐጫሉ ሁንዴሳ ግድያ ከተጠረጠሩት ተከሳሾች መካከል አንዱ የኾነው ጥላሁን ያሚ በሞት እንዲቀጣ ዓቃቤ ሕግ ጠይቋል።

በአርቲስቱ ግድያ የተጠረጠሩት ሦስት ተከሳሾች ጥፋተኛ የተባሉ ሲሆን፤ ከሥስቱ ተከሳሾች ጥላሁን ያሚ በሞት የቀጣለት ዘንድ ዓቃቤ ሕግ አመልክቷል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!