Hachalu Hundessa

አርቲስት ሐጫሉ ሁንዴሳ

ተጠርጣሪዎች ተይዘዋል

ኢዛ (ማክሰኞ ሰኔ ፳፫ ቀን ፳፻፲፪ ዓ.ም. June 30, 2020)፦ ታዋቂው የኦሮምኛ ሙዚቃ አቀንቃኝ አርቲስት ሐጫሉ ሁንዴሳ ትናንት ሰኞ ሰኔ 22 ቀን 2012 ዓ.ም. ምሽት ባልታወቁ ሰዎች በተተኮሰበት ጥይት መገደሉ ተገለጸ።

አርቲስት ሐጫሉ አዲስ አበባ ገላን አካባቢ በተተኮሰበት ጥይት ሕይወቱ ያለፈው ትናንት ምሽት ላይ እንደኾነም የአዲስ አበባ ፖሊስ ኮሚሽን መረጃ ያስረዳል።

ድርጊቱን ፈጽመዋል የተባሉ አንዳንድ ተጠርጣሪዎቹ በቁጥጥር ሥር ስለመዋላቸውም እየተነገረ ነው።

ጠቅላይ ሚኒስትር ዶ/ር ዐቢይ አሕመድ የአርቲስት ሐጫሉን ሕልፈተ ሕይወት ተከትሎ በፌስቡክ ገጻቸው የሚከተለውን መልእክት አስተላልፈዋል፤ “ውድ ሕይወት አጥተናል። የዚህ ድንቅና አንጸባራቂ ወጣት አርቲስት ሐጫሉ ሁንዴሳ ሕይወት መቀጠፍ ከተሰማ ጀምሮ በከባድ ኀዘን ውስጥ ለምንገኝ ሁሉ መፅናናትን እመኛለሁ። የዚህን ክፉ ድርጊት ሙሉ የፖሊስ ምርመራ ሪፖርት እየተጠባበቅን እንገኛለን። የድርጊቱን መጠን በመረዳት በአገራችን ውስጥ ስለሚከናወኑ እንቅስቃሴዎች ትኩረት ሰጥተን የምንከታተልበት ወቅት ላይ ነን። ኀዘናችንን ራሳችንን በመጠበቅ እና ተጨማሪ ወንጀልን በመከላከል እንግለጽ።”

የኢትዮጵያ ዛሬ ዝግጅት ክፍል በአርቲስት ሐጫሉ ሁንዴሳ ሕልፈተ ሕይወት የተሰማውን ጥልቅ ኀዘን በዚህ አጋጣሚ እየገለጸ፤ ለቤተሰቦቹ፣ ለዘመድ አዝማዶቹ፣ ለወዳጆቹ፣ ለአፍቃሪዎቹና ለመላው የኢትዮጵያ ሕዝብ መጽናናትን ይመኛል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!