ኢትዮ ቴሌኮምን በትሪሊዮን የሚቆጠር ገንዘብ የሚያሽከረክር ተቋም ያደርገዋል
ቴሌብርን ከንግድ ባንክ ጋር በመኾን ይጀምራል
ቴሌብር እንደአገር ዱላ እንዲበዛበት ያደረገ ነው

ኢዛ (ረቡዕ ግንቦት ፬ ቀን ፳፻፲፫ ዓ.ም. May 12, 2021)፦ ኢትዮ ቴሌኮም በኢትዮጵያ ከፍተኛውን የገንዘብ እንቅስቃሴ ያከናውናል ተብሎ የሚጠበቀው “ቴሌብር” የተሰኘ ዲጂታል ባንኪንግ አገልግሎት ትናንት ማክሰኞ ግንቦት 3 ቀን 2013 ዓ.ም. ይፋ አደረገ። መጀመሪያ ከኢትዮጵያ ንግድ ባንክ ጋር በመኾን ሥራውን እንደሚጀምር ተጠቆመ። ይህ አገልግሎት ኢትዮጵያ አሁን እያረፉባት ላሉት ዓለም አቀፍ ተጽእኖዎች ምክንያት እንደኾነም ተገለጸ።

ባንኩን ችግር ውስጥ ከከተቱት በርካታ ምክንያቶች መካከል ለመንግሥት የልማት ድርጅቶች በገፍ የተሰጠው ብድር አንዱ

ኢዛ (ቅዳሜ ሚያዝያ ፴ ቀን ፳፻፲፫ ዓ.ም. May 8, 2021)፦ በኢትዮጵያ ውስጥ ግዙፍ አሴት አላቸው ተብለው ከሚጠቀሱት መንግሥታዊ ተቋማት መካከል የኢትዮጵያ ንግድ ባንክ አንዱ ነው። የኢትዮጵያ ንግድ ባንክ በአሁኑ ወቅተ ወደ አንድ ትሪሊዮን የሚጠጋ (938 ቢሊዮን ብር) አሴት ያለው ሲሆን፤ የአገሪቱ ትልቁ ባንክም ነው። ከባንክ ኢንዱስትሪው ወደ 65 በመቶ የሚኾነውን የገበያ ድርሻ የያዘም ነው። ይህ አንጋፋ ባንክ ሰማኒያኛ ዓመቱን ለማክበር ዋዜማ ላይ ያለ ሲሆን፤ ለአገራዊ ኢኮኖሚ ሲሰጥ የነበው ጠቀሜታ እጅግ ከፍተኛ ነው። እንደ ፖሊሲ ባንክ የሚታይ ነው።

በኢትዮጵያ ተደጋግሞ የተከሰተውና በተለይም የዘር ጥቃት ጭፍጨፋዎች ልክ አጣ ያሉ ወገኖች “አሁንስ በዛ!” በማለት ድምፃቸውን በአደባባይ ማሰማት ጀምረዋል

ሪፖርታዥ ኢዛ (ሰኞ ሚያዝያ ፲፩ ቀን ፳፻፲፫ ዓ.ም. April 19, 2021)፦ በሰሜን ሸዋ እና በአጣየ አካባቢ የደረሰው ጥፋትና ውድመት እስካሁን በውል ያልታወቁ ሰዎችን ሕይወት ሲያጠፋ፤ ታይቶ በማይታወቅ ሁኔታ በተለይ በአጣየ የዜጐች ቤት እና ንብረት በእሳት ተበልቷል። በለስ ቀንቷቸው ሕይወታቸውን ለማዳን በእግርና በተሽከርካሪዎች ተጭነው የወደመ ቤታቸውን አመድ እየተረማመዱ በገዛ አገራቸው ለመሰደድ ግድ ኾኖባቸዋል።

- በኢትዮጵያ አንገቴ ይቀላል እንጂ አይደረግም
- የሰብአዊ መብት ጥያቄዎችና የሕወሓት ጉዳይ ያበቃለት መኾን

ኢዛ (ረቡዕ መጋቢት ፲፭ ቀን ፳፻፲፫ ዓ.ም. March 24, 2021)፦ ጠቅላይ ሚኒስትር ዶ/ር ዐቢይ አሕመድ የትናንት ማክሰኞ መጋቢት 14 ቀን 2013 ዓ.ም. በፓርላማ ውሏቸው ቆምጨጭ እና ቆጣ በማለት ከሕዝብ ተወካዮች ምክር ቤት አባላት ለቀረቡላቸው ጥያቄዎች ምላሽ መስጠታቸውን በክፍል አንድ መዘገባችን ይታወሳል። በዚህኛው ሪፖርታዥ ደግሞ በሰብአዊ መብት ጥያቄዎች፣ በሕወሓት ጉዳይ ማብቃት ላይ እና በአሜሪካ እና የአውሮፓ ሕብረት ጫና ለመፍጠር በሚያደርጉት ሙከራ ላይ የጠቅላይ ሚኒስትሩን ምላሾች እና ማብራሪያዎች አጠናክረናል።

- የግል ዘርፍ ብድር መንበሽበሽ
- የኤርትራ ሠራዊት እና የተያያዙ ጉዳዮች
- እፍርታም የተባሉት የፖለቲካ ድርጅቶች
- የህዳሴ ግድቡ ያልታሰበው የ20 ቢሊዮን ብር ወጪ

ኢዛ (ማክሰኞ መጋቢት ፲፬ ቀን ፳፻፲፫ ዓ.ም. March 23, 2021)፦ ጠቅላይ ሚኒስትር ዶ/ር ዐቢይ አሕመድ የዛሬው የፓርላማ ውሏቸው ለየት ብሎ የሚታይ ነው ሊባል ይችላል። በዛሬው (ማክሰኞ መጋቢት 14 ቀን 2013 ዓ.ም.) የፓርላማ ማብራሪያቸው በዋናነት የአሥር ዓመቱን የኢኮኖሚ ፍኖተ ካርታ የሚመለከት ቢኾንም፤ ወቅታዊ በኾኑ ዋና ዋና አገራዊ ጉዳዮች ላይ ሰፋ ያለ ማብራሪያ የሰጡ ሲሆን፤ ከሕዝብ ተወካዮች አባላት የቀረቡ ጥያቄዎችን መሠረት ያደረጉ ምላሾችንም ሰጥተዋል።

በበሽታው የሚያዙና የሚሞቱ ሰዎች ቁጥር ድጋሚ እየጨመረ ነው
ከሁለት ሺሕ ሰዎች በላይ በበሽታው ሞተዋል

ኢዛ (ሰኞ የካቲት ፲፭ ቀን ፳፻፲፫ ዓ.ም. February 22, 2021)፦ በኢትዮጵያ በኮቪድ 19 (ኮሮና ቫይረስ) ወረርሽኝ የሚሞቱ ሰዎች ቁጥር እየጨመረ ስለመምጣቱ እየታየ ነው። በበሽታው ተይዘው ከሚሞቱ ሰዎች ውስጥ የወጣቶችም ቁጥር እንደጨመረ፣ ጽኑ ታማሚዎችም ከወትሮ በተለየ ቁጥር ከፍ እያለ ነው። እስካሁን በበሽታው ተጠቅተው ሕይወታቸው ማለፉ ከተገለጹት ታዋቂ ሰዎች መካከል ፕሮፌሰር መስፍን ወልደማርያም ይጠቀሳሉ። ትናንት ደግሞ የዓለም ሎሬት ጥበበ የማነብርሃን በዚሁ በሽታ ተይዘው ሕይወታቸው ማለፉን የጤና ሚኒስቴር አስታውቋል። እንዲህ ካሉ መረጃዎች አንፃር የኮቪድ 19 በሽታ በአሁኑ ወቅት አሳሳቢ ደረጃ ላይ መድረሱን የሚጠቁም ነው።

በየደረጃው በመንግሥት አካል ውስጥ ያሉ ባለሥልጣናት ተባባሪ የኾኑበት ተግባር ነው የሚል ግምት አሳድራል

ኢዛ (ሰኞ የካቲት ፰ ቀን ፳፻፲፫ ዓ.ም. February 15, 2021)፦ በኢትዮጵያ ሕገወጥ ተግባራት ምን ያህል ደረጃ ላይ እንደደረሱ በርካታ ማሳያዎች በየዕለቱ እየወጡ ነው። የመሬት ዘረፋና ወረራ አንዱ ሲሆን፤ ሌሎችም አንዳንዴ ሊገመቱ የማይችሉ ሕገወጥ ተግባራት በተከታታይ እየተሰሙ ነው። ቅዳሜ ዕለት የተሰማው አንዱ ዜና ደግሞ በአገሪቱ ውስጥ የተፈጸሙ እና እየተፈጸሙ ያሉ ሕገወጥ ተግባራት በየዘርፉ መኖራቸውን ያሳያል።

በአዲስ አበባ ባለቤት ያልተገኘላቸው ሕንጻዎች 100 ደርሰዋል

ኢዛ (ሐሙስ ኅዳር ፲ ቀን ፳፻፲፫ ዓ.ም. November 19, 2020)፦ በአዲስ አበባ ባለቤት አልባ ናቸው የተባሉ ሕንጻዎች ቁጥር አንድ መቶ መድረሱን የከተማዋ ምክትል ከንቲባ ወ/ሮ አዳነች አቤቤ ገልጸዋል።

• ፖሊስ ከሕግ በላይ መኾኑን ያሳየበት ነው ተባለ

• ጉዳዩ የፖለቲካ ውሳኔ የሚሻ ስለመኾኑ ተመጠቆመ

ኢዛ (ሐሙስ መስከረም ፳፰ ቀን ፳፻፲፫ ዓ.ም. October 8, 2020)፦ የኦሮሚያ ጠቅላይ ፍርድ ቤት ተዘዋዋሪ ችሎት አቶ ልደቱ አያሌው በመቶ ሺህ ብር ዋስ ከእስር ተለቀው ጉዳያቸውን በውጭ ኾነው እንዲከታተሉ ያጸናው ውሳኔ እስካሁን አለመተግበሩ አነጋጋሪ ኾኗል። ፖሊስ ከሕግ በላይ መኾኑን ያሳየበት ነው ተብሎ እየተተቸ ነው።

የብር ኖት ለውጡን ተከትሎ በኬላዎች የሕገወጥ የገንዘብ ዝውውር ቁጥጥሩ ጨምሯል

ኢዛ (እሁድ መስከረም ፲ ቀን ፳፻፲፫ ዓ.ም. September 20, 2020)፦ ከኢትዮጵያ በመተማ በኩል ወደ ሱዳን ሊወጣ የነበረ 150 ሺሕ ዶላር በመተማ ጉምሩክ በተደረገ ፍተሻ ተያዘ።