Total coronavirus cases in Ethiopia, June 31, 2020

በኢትዮጵያ የኮሮና ቫይረስ የሁኔታ መግለጫ (ዓርብ ሐምሌ 24 ቀን 2012 ዓ.ም.)

የተጠቂዎች ቁጥር 17,530፣ የሟቾች ቁጥር 274 ደርሷል

ኢዛ (ዓርብ ሐምሌ ፳፬ ቀን ፳፻፲፪ ዓ.ም. July 31, 2020)፦ ካለፉት ሦስት ሳምንታት ወዲህ ከቀድሞው በተለየ በየዕለቱ በኢትዮጵያ በኮሮና ቫይረስ የተጠቁ ሰዎች ቁጥር እየጨመረ በመምጣት፤ በዛሬው ዕለት 915 የሚኾኑ አዳዲስ ተጠቂዎች መገኘታቸው ታወቀ።

በኢትዮጵያ ከፍተኛ ቁጥር ያለው የቫይረሱ ተጠቂዎች የተገኙበት ስለመኾኑ የሚያመለክተው የዛሬው (ዓርብ ሐምሌ 24 ቀን 2012 ዓ.ም.) የጤና ሚኒስቴር ሪፖርት በ24 ሰዓታት በተደረገ ምርመራ 915 ሰዎች በቫይረሱ መጠቃታቸው የታወቀው በ8,957 ሰዎች ተመርመረው ነው።

11 ሰዎችም በዚሁ ቫይረስ ተጠቅተው በዛሬው ዕለት ሕይወታቸው ማለፉንም ጤና ሚኒስቴር አስታውቋል። ይህም የሟቾችን ቁጥር ወደ 274 ከፍ አድርጎታል።

አመሻሹ ላይ ይፋ በተደረገው የዛሬው የጤና ሚኒስቴር ዕለታዊ ሪፖርት መሠረት በኢትዮጵያ በቫይረሱ የተጠቁ ሰዎች ቁጥር 17,530 ደርሷል።

በአንጻሩም በዛሬው ዕለት 187 ሰዎች ማገገም በመቻላቸው፤ በኢትዮጵያ በቫይረሱ ተይዘው ማገገም የቻሉት አጠቃላይ ያገገሙ ሰዎችን ቁጥር 6,950 ሊደርስ ችሏል።

በኢትዮጵያ በተለይ ባለፈው ሳምንት በየዕለቱ ቫይረሱ እየተገኘባቸው ያሉ ሰዎች ቁጥር ከ500 በላይ በመኾን የቀጠለ ሲሆን፣ ትናንትናም 805 የቫይረሱ ተጠቂዎች መገኘታቸው ታውቆ፤ አኀዙ ከፍተኛ ስለመኾኑ ቢገለጽም፤ ዛሬ 915 ሰዎች ተገኝተዋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!