Asrat

አስራት ቴሌቭዥን

መርማሪ ፖሊስ ለፌዴራሉ ከፍተኛ ፍ/ቤት ይግባኝ በማለቱ በእስር እንዲቆዩ ተደርጓል

ኢዛ (ሰኞ ጳጉሜን ፪ ቀን ፳፻፲፪ ዓ.ም. September 7, 2020)፦ በሚዲያ ኹከትን ቀስቅሰዋል ተብለው በእስር ላይ የነበሩት የአስራት ቴሌቪዥን የሚዲያ ባለሙያዎች እና የካሜራ ባለሙያዎች የዋስትና ተፈቅዶላቸው እንዲፈቱ ፍርድ ቤት ቢፈቅድም፤ ከእስር አልተለቀቁም።

የፌዴራል የመጀመሪያ ፍርድ ቤት አራዳ ተረኛ የጊዜ ቀጠሮ ችሎት ለአስራት ቴሌቭዥን የሚዲያ ባለሙያዎች 10 ሺሕ ብር ዋስ በማቅረብ እንዲፈቱ የፈቀደው በዛሬው ዕለት (ሰኞ ጳጉሜን 2 ቀን 2012 ዓ.ም.) በዋለው ችሎት ነው።

አራቱ የሚዲያ ባለሙያዎች በላይ ማናዬ፣ ሙሉጌታ አምበርብር፣ ምስጋናው ከፈለኝ እና ዮናታን ሙሉጌታ ናቸው።

በአስር ሺሕ ብር ዋስ እንዲለቀቁ የተፈቀደላቸው አራቱ የአስራት ቴሌቭዥን የሚዲያ ባለሙያዎች ግን ከእስር እንዳልተፈቱ እየተነገረ ነው።

የተጠርጣሪዎቹ ጠበቆች እንዳስታወቁት መርማሪ ፖሊስ ለፌዴራሉ ከፍተኛ ፍርድ ቤት ይግባኝ በማለቱ በእስር እንዲቆዩ ተደርጓል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!