Daniel Berhane, Prof Hizkiel Gebissa and Alula Solomon

በአገር መክዳት ተጠርጥረው ማዘዣ ከወጣባቸው ውስጥ አቶ ዳንኤል ብርሃኔ (ግራ)፣ ዶ/ር እዝቅኤል ገቢሳ (መኻል) እና አቶ አሉላ ሰለሞን

ዳንኤል ብርሃኔና ከፍተኛ መረጃ በማሰራጨት የተጠረጠሩት 7 ሰዎች ላይም ትእዛዝ ወጥቷል

ኢዛ (ቅዳሜ ኅዳር ፲፱ ቀን ፳፻፲፫ ዓ.ም. November 28, 2020)፦ የተለያዩ ሚዲያዎችን በመጠቀም አገር አፍራሽ መረጃ በማሰራጨት የተለዩ ስምንት ግለሰቦችና 27 ወታደራዊ ሹማምንት ላይ የመያዣ ትእዛዝ መውጣቱን ፌዴራል ፖሊስ አስታውቋል። ዳንኤል ብርሃኔና አሉላ ሰለሞን ይገኙበታል።

የአገር ክህደት ወንጀል በመፈጸም ተጠርጥረው የመያዥ ትእዛዝ ወጥቶባቸው ከነበሩት 117 የጦር መኮንኖች ሌላ፤ ዛሬ ቅዳሜ 19 ቀን 2013 ዓ.ም. የተጨመሩት 27 የጦር መኮንኖች መያዣ የወጣባቸውን ቁጥር ወደ 144 ከፍ ያደርገዋል።

ዛሬ ማዘዣ ከወጣባቸው 27 የጦር መኮንኖች ሌላ፤ በተለያዩ ሚዲያዎች በመጠቀም አገር አፍራሽ መረጃ በማሰራጨት የማዘዣ ትእዛዝ ከወጣባቸው ስምንት ግለሰቦች ሲሆኑ፤ እነርሱም ወንድማማቾቹ ዳንኤል ብርሃኔ እና ፍጹም ብርሃኔ እንዲሁም፤ ዶ/ር እዝቅኤል ገቢሳ፣ ዶ/ር አወል አሎ ቃሲም፣ ዶ/ር ኢታና ሀብቴ፣ ዶ/ር ጸጋዬ አራርሳ፣ አቶ አሉላ ሰለሞን እና ሰናይት መብርሃቱ ናቸው። ከእነዚህ ግለሰቦች ውስጥ አንዳንዶቹ አገር ውስጥ የሚኖሩ ሲሆን፤ ሌሎቹ ደግሞ ነዋሪነታቸው በውጭ አገር ነው።

ዛሬ የመያዣ ትእዛዝ ከወጣባቸው 27 የጦር መኮንኖች ውስጥ ሰባቱ በተለያየ የወታደራዊ እርከን ላይ የሚገኙ ናቸው። እነርሱም፤

1. ሜጀር ጄኔራል ዘውዱ ኪሮስ ገብረኪዳን
2. ኮሎኔል ተወልደ ገብረትንሣይ
3. ኮሎኔል ገብረእግዚአብሔር ዓለምሰገድ
4. ኮሎኔል የማነ ገብረሚካኤል
5. ሻምበል ተወልደ ገብረመድህን
6. ኰሎኔል ጌትነት ግደያ
7. ኮሚሽነር ረታ ተስፋዬ ናቸው።

ቀሪዎቹ 20ዎቹ ደግሞ ቀደም ሲል በተለያዩ ወታደራዊ ኃላፊነት ላይ የነበሩ ሲሆን፤ 18ቱ በጡረታ የተገለሉ ናቸው። አንዱ ቀደም ብሎ ቀደም ብሎ ከመከላከያ ሠራዊቱ የወጣ ሲሆን፤ ሌላኛው ደግሞ “የከዳ” መኾኑ ተገልጿል። እነዚህ ሃያዎቹ የቀድሞ የጦር መኮንኖች የነበራቸውን ወታደራዊ ኃላፊነትና ከሕወሓት ጋር የነበራቸውን ቁርኝት በመጠቀም ከፍተኛ የዘረፋ ወንጀል በመፈጸም የግል ንብረት ማካበታቸው ተጠቁሟል።

ሃያዎቹ በዘረፋ ወንጀልና በዘረፋ ንብረት በማካበት ተጠርጥረው ማዘዣ የወጣባቸው የጦር መኮንኖች ስም ዝርዝር የሚከተሉት ናቸው።

1. ሌ/ጄ ታደሰ ወረደ
2. ሜ/ጀ ገብረ አድሃና (ገብረዲላ)
3. ተክለብርሃን ወልደአረጋይ (ሳንቲም)
4. ሜ/ጀ ብርሃነ ነጋሽ (ወዲመዲህን)
5. ሜ/ጄ ማዕሾ በየነ
6. ሜ/ጄ ኢብራሂም አብዱልጀሊል
7. ሜ/ጄ ዮሐንስ ወልደጊዮርጊስ
8. ሜ/ጄ ነጋሲ ትኩዕ
9. ብ/ጄ አባዲ ፍላንሳ
10. ብ/ጄ ጸጋየ ተሰማ (ፓትሪስ)
11. ብ/ጄ ምግበ ኃይለ
12. ብ/ጄ ተክላይ አሸብር (ወዲ አሸብር)
13. ብ/ጄ ኃይለሥላሴ ግርማይ (ወዲ ዕበይተ)
14. ብ/ጄ ሙሉጌታ በርሔ
15. ኮ/ል ተወልደ ገብረተንሣይ
16. ኮ/ል ገብረእግዚአብሔር ዓለምሰገድ
17. ኮ/ል ደጀን ግርማይ
18. ኮ/ል የማነ ገብረሚካኤል
19. ኮ/ል ገብረዮሐንስ አባተ (ወዲአባተ)
20. ሻምበል ተወልደ ገብረመድህን (ወዲ አድዋ)

እነዚህ ግለሰቦች ከሕዝብ የዘረፉትን ንብረቶች ለማስመለስ ለፌዴራል ፖሊስ ኮሚሽን ወንጀል መከላከል ቢሮ መረጃ በመስጠት ሕዝቡ ትብብር እንዲያደርግ ፖሊስ አስታውቋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!