ይህም ያልፋል? የሚሉት ቃል
ትርጉሙ ምን ይሆን? ጃል!
       አዎና…
      ሁሉም ያልፋል!!!
                 ቀን ሄዶ ቀን ይተካል፡፡
                ይሄ ነጉዶ ያ ይመጣል፤
                ትላንት ለዛሬ ይሰጣል፡
                ነገም ዛሬን ይወርሳል፡
                ዛሬ ትላንት ይሆናል፤
                ቀን መቁጠሩ ይቀጥላል፡፡
ህሊና ይንጻ'ንጅ፡
ክፋት ርቆ ከደጅ፤
አይቀር መከወኑ
መተግበር በቀኑ፡፡
               ጸጸት አይኑር በውስጥ፡
               ህሊናን የሚያፈርስ
               ፍቅ'ር የሚደመስስ፤
              ማንነትን ንዶ፡
              ራስን አዋርዶ፡
                  አይለፍ'ጅ ቀኑ…?
ዘመን ሁሉ ይለፍ
ይሂድ ይጓዝ ይክነፍ፤
ላይቀር መከወኑ
መተግበር በቀኑ፡፡
              ክብርን የሚጎዳ ለቋሚ ለኗሪ
             ቀኑ መልካም ሆኖ ካላገኘ አክባሪ
            'ይህም ያልፋል'ይሉት ብሂል
            ተጀመረ'ጅ በንጥልጥል
            ምን ትርጉም አለው ለብቻ
            ካላገኘ ሌላ አቻ
           ይህም ያልፋል!!! እንደተራ
           ታሪክ ሆኖ ካልተወራ

(ተጠናቀቀ ለፈረንጆቹ ገና ዋዜማ ሌሊት 2014)

ገሞራው ሄደ አሉ ሳይሰናበተን

አበራ ለማ

(ለጋሼ ኃይሉ ገሞራው መታሰቢያ)