Dr. Debretsion Gebremichael

የሕወሓት ሊቀመንበርና የትግራይ ክልል ምክትል ርዕሰ መስተዳድር ዶክተር ደብረጽዮን ገብረሚካኤል

የመዝናኛ ስፍራዎች፣ ጫት ቤቶች፣ የምሽት መዝናኛ ክለቦችና ሕዝብ የሚበዛባቸው ተቋማት እንዲዘጉ ተወስኗል

ኢዛ (ሐሙስ መጋቢት ፲፯ ቀን ፳፻፲፪ ዓ.ም. March 26, 2020)፦ የትግራይ ክልላዊ መንግሥት የኮሮና ቫይረስን ለመከላከል ያስችለኛል ያለውን የተለያዩ ውሳኔዎች ያሳረፈበትን የአስቸኳይ ጊዜ አዋጅ አውጥቷል። የአስቸኳይ ጊዜ አዋጁን አስመልክተው ዛሬ መጋቢት 17 ቀን 2012 ዓ.ም. መግለጫውን የሠጡት የትግራይ ክልል ምክትል ርዕሰ መስተዳድር ዶክተር ደብረጽዮን ገብረሚካኤል ናቸው።

ለ15 ቀን በሚቆየው በዚህ አስቸኳይ አዋጅ፤ በትግራይ ክልል ከገጠር ወደ ከተማ፤ ከከተማ ወደ ገጠር እንዲሁም ከከተማ ወደ ከተማ የሚደረጉ ዝውውሮች መክልከሉን ይጠቅሳል።

ከዚህም ሌላ ሕዝብ የሚሰበሰብባቸው የገበያ ማዕከላት፣ ሠርግ፣ ተስካርና መሰል ማኅበራዊ ክንውኖችና የእግር ኳስ ጨዋታዎች ስለመከልከላቸው ገልጿል። ሌሎች ክልከላ የተደረገባቸውን ጉዳዮች የያዘው የክልሉ የአስቸኳይ ጊዜ አዋጅ ነጥቦች የሚከተሉት ናቸው።

• የንግድ ተቋማት፣ የመዝናኛ ስፍራዎች፣ ጫት ቤቶች፣ የምሽት መዝናኛ ክለቦች እና ሌሎችን ሕዝብ በብዛት የሚሰበሰብባቸው ተቋማት እንዲዘጉ ተወስኗል።

• የመንግሥት ሠራተኞችን በተመለከተም ነብሰ ጡር እና የሚያጠቡ እናቶች፣ ዕድሜያቸው ለጡረታ የተቃረቡ እና ለረጅም ጊዜ የቆየ የጤና እክል ያለባቸው ሰዎች በቤታቸው ኾነው እንዲሠሩ ተወስኗል።

• መንግሥታዊ አገልግሎት የሚሠጡ ቢሮዎችና ጽሕፈት ቤቶችን በተመለከተ በሚያወጡ መርሃ ግብሮች ሥራቸውን የሚያከናውኑ መኾናቸውን ይኸው ለ15 ቀናት በሚቆየው አስቸኳይ ጊዜያዊ አዋጅ ተወስኗል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!