B.Gen. Kemal Gelchu

ብርጋዲየር ጄኔራል ከማል ገልቹ

ከኦነግና ከኦፌኮ ጋር ተፋትተዋል

ኢዛ (ማክሰኞ ነኀሴ ፳፮ ቀን ፳፻፲፪ ዓ.ም. September 1, 2020)፦ የቀድሞው የጦር መኮንንና የኦሮሞ ብሔራዊ ፓርቲ መሥራችና ሊቀመንበር ብርጋዲየር ጄኔራል ከማል ገልቹ ፓርቲያቸውን አክስመው የብልጽግና ፓርቲን ተቀላቀሉ።

ዛሬ ማክሰኞ ነኀሴ 26 ቀን 2012 ዓ.ም. ይፋ በኾነው መረጃ፤ ብርጋዲየር ጄኔራል ከማል ገልቹ የሚመሩትን ፓርቲ አክስመው ከምርጫ ቦርድ የወሰዱትን ፍቃድ መልሰዋል።

ጄኔራሉ ከዚህ ድምዳሜ የደረሱት ከጥቂት ወራት በፊት ከኦነግና ከኦፌኮ ጋር የፈጠሩትን ጥምረት በማፍረስ ነው።

ጄኔራሉ በ1998 ዓ.ም. በኢትዮጵያ የብሔር ጭቆናና አድሎ መኖሩን በመኮነን ከሦስት መቶ በላይ የሚኾኑ ወታደሮችን ይዘው ወደ ኤርትራ በመግባት፤ በወቅቱ እዚያ ከሚገኘው ኦነግ ጋር በመቀላቀል ሲታገሉ ቆይተዋል።

ዶ/ር ዐቢይ አሕመድ ወደ ሥልጣን ከመጡ በኋላ ወደ ኢትዮጵያ በመግባት የኦሮሚያ ጸጥታ ቢሮ ኃላፊ ኾነው ተሹመው እንደነበር አይዘነጋም።

ከዚህ ኃላፊነታቸው ከተነሱ በኋላ ደግሞ፤ በዶ/ር ዐቢይ መንግሥት ላይ የተቃውሞ ድምፅ በማሰማት፤ ከኦነግና ከኦፌኮ ጋር ጥምረት በመፍጠር ሲንቀሳቀሱ ቆይተዋል። አሁን ግን ፓርቲያቸውን አፍርሰው፤ ጥምረቱንም ኮንነው ብልጽግና ፓርቲን መቀላቀላቸውን አሳውቀዋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!