የ”ኢሳት” ቶምቦላ ወጣ፤ አሜሪካኖች ከፍተኛውን እጣ ወስደዋል

በዚህ እጣ ከተዘጋጁት 4000 ትኬቶች ውስጥ፡ በመረጃ ስህተት ምክንያት ሳይሸጥ ከቀረው 6 ትኬት ውጪ ከሶስት ሺህ በላይ ትኬት መሸጣቸውን የገለጹት የቶምቦላው አዘጋጆች፡ በወጣው እጣ መሰረት የመጀመሪያ እጣ የሆነውን 42 ኢንች ዝርግ ቴሌቪዥን ቁጥር 1341 ከአሜሪካ ወስዶታል።

ሁለተኛው ላፕቶፕ ቁጥር 3662፡

ሶስተኛው እጣ አይፎን 3ጂ ደግሞ ቁጥር 1951 ሆኗል።

በዚህ ካናዳም በአውሮፓም ከአሜሪካኖቹ ጋር በተጋሩት እጣ፡ የወጡት ቁጥሮች እንደሚከተለው ናቸው።

4ኛው እጣ፡ ዊ ኮንሶል፡ 3454፡

6ኛው 20 ኢንች ዝርግ ሞኒተር እጣ፡ 2234፡

8ኛው ጂፒኤስ፡ 2743፡

10ኛውና 11ኛው እጣዎች የኮምፒውተር ማዳመጫዎች ሲሆኑ ቁጥሮቹም 387፡ እና 3664 ናቸው።

በኢሳት ገንዘብ አሰባሳቢ ኮሚቴ በጸደቀውና በኢሳት ደጋፊዎች ራስ አነሳሽነት የተዘጋጀው ቶምቦላ ከፍተኛና አስደሳች የህዝብ ምላሽ እንደታየበት ገልጸው እነዚህን ቁጥሮች የያዙ ሰዎች ቁጥራቸውንና ትኬታቸው ይዘው እየቀረቡ ሽልማቶቹን መቀበል እንደሚችሉ ገልጸዋል።

በዚህ ዝግጅትና የኢሳት ድንኳን አካባቢ ሆኖ ሲታዘብ የቆየው የዚህ አጭር ዘገባ አቀናባሪ፡ አንዳንድ ሰዎች በኢሳት መመስረት ከመደሰታቸው የተነሳ አራት አምስት ትኬት እየገዙ “እጣው ከወጣ ለኢሳት ይሁን” እያሉ ትኬታቸው ለአዘጋጆቹ ትተው ሱሄዱ ተመልክቷል። እናቶች ልጆቻቸው ከኢሳት በረከት እንዲቋደሱ እጣውን እንዲያወጡ አሰልፈዋቸው ነበር።

የእጣው አወጣጥ ስነ ስርአት በቪዲዮ ካሜራ የተቀረጸ ሲሆን፡ አዘጋጆቹ አርትኦቱን እንደጨረሱ ለእይታ እንደሚአቀርቡት ጠቁመዋል። 

አምስተርዳም ሀምሌ፡(ጁላይ 31) 2010