ህወሃት/ኢህአዴግ በሲድኒ የጠራው ስብሰባ በተቃውሞ ተወጥሯል

አርቲስት አይናለም ተስፋዬን ጨምሮ 12 ሰዎች ብቻ ወደ አዳራሹ ገብተዋል
Ethiopia Zare (አርብ የካቲት 14 ቀን 2006 ዓ.ም Feb. 17, 2014)፦ በአውስትራሊያዋ ሲድኒ በአምባሳደር አረጋ ሃይሉ የተጠራው ልማታዊ ውይይት በሲድኒ ነዋሪ ኢትዮጵያዊያን ተቃውሞ በማሰማት ላይ መሆንቸውንና የመንግስት ደጋፊዎች በቦታው ለመታየት እንዳልቻሉ ለማወቅ ተቻለ።

በርካታ ኢትዮጵያዊያን የስብሰባ አዳራሹ ፊት ለፊት በመቆም ተቃውሟቸውን እያሰሙ ሲሆን ስብሰባው የተጠራበት ጊዜ ሁለት ሰዓት ያለፈ ሲሆን እስካሁን ወደ ስብሰባው አዳራሽ የገቡት የገዥው ፓርቲ ደጋፊዎች አርቲስት አይናለም ተስፋዬን ጨምሮ 12 ሰዎች ብቻ መሆናቸውን ለመረዳት የተቻለ ሲሆን አርቲስቷ ወደ አዳራሽ ስትገባ ኢትዮጵያዊያኑ በጩኸት ተቃውሟቸውን ገልጸዋል።

በአሁኑ ሰአት ሰልፈኞቹ ኢትዮጵያዊነትን በሚያወድሱ መዝሙሮችና ለተቃውሞ የተዘጋጁ መፈክሮችን በማሰማት ላይ ናቸው። ሙሉ ዘገባውንና በቪድዩና በምስል የተደገፉ ፎቶዎችን ይዘን እንቀርባለን።