20210302 adwa

ትግራይ ክልል፣ መቀሌ

ትግራይ ክልል፣ መቀሌ

ሁሉንም የመዝናኛ ተቋማት ዘጋ
በቅርቡ ወደ ክልሉ የገባችሁ ሪፖርት አድርጉ ብሏል
በአስቸኳይ ጊዜ አዋጁ ምክንያት ሕይወት ጠፋ

ኢዛ (እሁድ መጋቢት ፳ ቀን ፳፻፲፪ ዓ.ም. March 29, 2020)፦ የትግራይ ክልላዊ መንግሥት በክልሉ የሚገኙ ሁሉም ኮፊ ሐውሶች፣ ካፌዎችና ጁስ ቤቶች ከነገ ጀምሮ ለሁለት ሳምንት እንዲዘጉና ወደ ክልሉ የሚገቡ ሰዎች ለጤና ቢሮ ሪፖርት እንዲያደርጉ ውሳኔ አሳለፈ።

ከትናንት በስቲያ የወጣው የአስቸኳይ ጊዜ አዋጅ አካል እንደኾነ የተነገረውና ዛሬ መጋቢት 20 ቀን 2012 ዓ.ም. ማምሻውን በተላለፈው ውሳኔ፤ ከመዝናኛ ተቋማቱ መዘጋት ባሻገር ከመጋቢት 1 ቀን ጀምሮ ወደ ክልሉ የገባ ማንኛውም ሰው ከነገ መጋቢት 21 ቀን 2012 ጀምሮ በወጣው ፕሮግራም መሠረት ወደ ጤና ቢሮ በመሔድ ሪፖርት ማድረግ አለባቸው ብሎ ደንግጓል።

በዛሬው ውሳኔ የተካተተው ሌላው ጉዳይ፤ ማንኛውም የቤት ኪራይ ለአንድ ወር ብቻ በግማሽ ዋጋ እንዲስተናገድ ወስኗል።

የክልሉ መንግሥት ከትናንት በስቲያ አውጥቶት በነበረው አስቸኳይ ጊዜያዊ አዋጅ፤ እነዚህ አልተካተቱም ነበር።

ይህ በእንዲህ እንዳለ ከኮሮና ቫይረስ ጋረ በተያያዘ በወጣው የአስቸኳይ ጊዜ አዋጅ ምክንያት በተፈጠረ አለመግባባት፤ በግድያ ምክንያት የአንድ ወጣት ሕይወት አልፏል። ግድያው ትናንት መጋቢት 19 ቀን 2012 ዓ.ም. የተፈጸመ ሲሆን፣ በአንድ መጠጥ ቤት በተፈጠረ አለመግባባት ፖሊስ ወጣቱን መግደሉ ታውቋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!