Ambassador Tibor Nagy

አምባሳደር ቲቦር ናጊ፣ የአሜሪካ የውጪ ጉዳይ መሥሪያ ቤት የአፍሪቃ ጉዳዮች ረዳት ኃላፊ

ሕወሓት በኤርትራ ላይ ያደረገውን ጥቃት እና በማይካድራ የፈጸመው ጭፍጨፋ በአሜሪካ ተወገዘ

ኢዛ (እሁድ ኅዳር ፮ ቀን ፳፻፲፫ ዓ.ም. November 15, 2020)፦ ሕወሓት በኤርትራ ላይ ያደረገውን ያደረሰውን የሮኬት ጥቃት፣ በማይካድራ የፈጸመውን ጭፍጨፋና በትግራይ የተፈጠረውን ችግር ዓለም አቀፍ ለማድረግ ሕወሓት የሚደረገውን ጥረት አሜሪካ እንደምታወግዝ የውጪ ጉዳይ መሥሪያ ቤት የአፍሪቃ ጉዳዮች ረዳት ኃላፊ የኾኑት አምባሳደር ቲቦር ናጊ በትዊተር ገጻቸው ገለጹ።

ዛሬ እሁድ ኅዳር 6 ቀን 2013 ዓ.ም. አምባሳደር ቲቦር በትዊተር ገጻቸው፤ “ሕወሓት ትናንት ኅዳር 5 ቀን በኤርትራ ላይ የፈጸመው ጠብ አጫሪነት ተቀባይነት የሌለው ጥቃት እና በትግራይ የተፈጠረውን ግጭት ዓለም አቀፍ ትኩረት እንዲሰጠው ሕወሓት የሚያደርገውን ጥረት አሜሪካ አጥብቃ ታወግዛለች” ብለዋል።

መንግሥታቸው በአስቸኳይ ንጹኀን ሰላማዊ ዜጎች ጥበቃ እንዲደረግላቸው እየጠየቀ፤ በአካባቢው ውጥረት የማርገብና ሰላም የማስፈን ሥራ እንዲሠራ የሚወሰደውን እርምጃ መንግሥታቸው እንደሚደግፍና እንደሚያበረታታ አምባሳደር ቲቦር በዛሬው የትዊተር መልእክታቸው ላይ አስፍረዋል።

ባለፈው ዓርብ ዕለትም አምባሳደሩ በማይካድራ በሰላማዊ ዜጎች ላይ ሕወሓት ያደረሰውን ጭፍጨፋ መንግሥታቸው እንደሚያወግዝ ገልጸው፤ በትግራይ ያለው ግጭት ይበርድ ዘንድና በአስቸኳይ ሰላም የሚሰፍንበት ሁኔታ ሊፈጠር እንደሚገባ አክለው ገልጸዋል።

አምባሳደር ቲቦር ናጊ እ.ኤ.አ. ከ1999 እስከ 2002 ድረስ በኢትዮጵያ የአሜሪካ አምባሳደር ኾነው ያገለገሉ ሲሆን፤ በኢትዮጵያ አምባሳደር ኾነ በአሜሪካ መንግሥት ከመመደባቸው በፊት በጊኒ አምባሳደር ኾነው እ.ኤ.አ. ከ1996 ጀምሮ ሲያገለግሉ ነበር። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!