20210302 adwa

(ሰኞ የካቲት 17 ቀን 2000 ዓ.ም. February 25,2008)፦ በኢትዮጵያ ትልቁንና የመጀመሪያውን የካንሰር ሆስፒታል ለመገንባት የገቢ ማሰባሰቢያ እና ግንዛቤ ማስጨበጫ ኮንሰርት በሚሌኒየም አዳራሽ ይዘጋጃል፡፡

ላይፍ ሰከንድ ቻንስ ፋውንዴሽን ከሠራዊት መልቲ ሚዲያ ጋር በመተባበር በየካቲት 22 ቀን 2000 .ም. በሚሌኒየም አዳራሽ የሚደረገው ኮንሰርት ዓላማ፤ ከአዲስ አበባ በስተሰሜን 80 ኪሎ ሜትር ርቀት ላይ በኦሮሚያ ክልል ሸኖ ከተማ ላይ ለሚገነባው የካንሰር ሆስፒታል የመጀመሪያውን የገቢ ማሰባሰቢያ እና ግንዛቤ ማስጨበጫ ይዘጋጃል፡፡ 

ዝግጅቱን አስመልክቶ ላይፍ ሰከንድ ቻንስና ሠራዊት መልቲ ሚዲያ በሰጡት መግለጫ በኢትዮጵያ የካንሰር ሕሙማን ቁጥር በዓመት ወደ 200 ሺህ እንደሚጠጋ ጥናቶች ያመለክታሉ፤ ነገር ግን በብቸኝነት አገልግሎቱን እየሰጠ ወደሚገኘው ጥቁር አንበሳ ሆስፒታል ደርሰው እርዳታ የሚጠየቁት ታካሚዎች ብዛት 60 ሺህ እስከ 125 ሺህ የሚደርሱ ናቸው፤ ከእነዚህ ውስጥ ደግሞ እርዳታውን የሚያገኙት 500 የሚደርሱ ሕሙማን ብቻ ናቸው፡፡  

የፋውንዴሽኑ መሥራች / ወሰኔ ቦውለር ነዋሪነታቸው አሜሪካን አገር ነው፡፡ ባሉበት አሜሪካም የካንሰር ሕመምተኛ ነበሩ፡፡ ነገር ግን በወቅቱ ከፍተኛ ገንዘብ ተከፍሎም ቢሆን ሕክምናውን አግኝተው ከበሽታው ለመዳን ችለዋል፡፡

ወደ ኢትዮጵያ በመጡበት ወቅትም ሕክምናው ወደሚሰጥበት ጥቁር አንበሳ ሆስፒታል ሄደው በጎበኙበት ወቅት የተመለከቱት የሕክምና አሰጣጥ አሰቃቂ ሆነባቸው፤ ተመልሰው ወደ አሜሪካ በመሄድ ፋውንዴሽኑን አቋቁመው ለሆስፒታል ግንባታ እንቅስቃሴ ጀመሩ፡፡

የአካባቢው የአየር ሁኔታና የቦታው አቀማመጥ ከብክለት የጸዳ በመሆኑ ለካንሰር ሕመምተኞች ተመራጭ ሆኖ በተገኘው ሸኖ ከተማ ላይ ቦታ እንዲሰጣቸው በጠየቁት መሠረት የኦሮሚያ ክልላዊ መንግሥት 68 ሄክታር (68 ሺህ ካሬ ሜትር) ቦታ በነፃ ለፋውንዴሽኑ ሰጥቷል፡፡

ሪፈራል ሆስፒታሉን ለመገንባትም 84.04 ሚሊዮን ዶላር ያስፈልጋል፡፡ የግንባታው መሠረት ድንጋይ ግንቦት 2 ቀን 2000 . የሚጣል ሲሆን፤ ግንባታው ከተጀመረ እስከ 2003 .ም. ድረስ ይጠናቀቃል ብለዋል፡፡  

የሆስፒታሉ ግንባታ ሲጠናቀቅ የሥልጠና ማዕከሎች፣ የሕክምና ባለሞያዎች፣ የሰልጣኞችና የሰራተኞች መኖሪያ ቤት ይኖረዋል፡፡ ሥራውን ሲጀምርም በቀን 500 የካንሰር ሕሙማን አገልግሎት እንደሚሰጥና 400 አልጋ እንደሚኖረው የፋውንዴሽኑ የሥራ አመራር ቦርድ አባል / ዓለማየሁ ተገኝ ተናግረዋል፡፡ 

የካንሰር ሕምም ኅብረተሰቡን ክፉኛ እየጎዳ እንደሆነ የገለጹት / ዓለማየሁ ኅብረተሰቡ ችግሩን ተረድቶ የበኩሉን አስተዋጽኦ በማበርከት ለሆስፒታሉ ግንባታ እንዲረባረብ ጠይቀዋል፡፡ ከኮንሰርቱ በሚገኘው ገቢ ግንባታውን የትም ማድረስ እንደማያስችል የገለጹት / ዓለማየሁ ችግሩ የሁሉም መሆኑን በመረዳት በቀጣይነት ለማድረገው ገቢ ማሰባሰቢያ ኅብረተሰቡ ተሳታፊ እንዲሆን ጠይቀዋል፡፡

የሠራዊት መልቲ ሚዲያ ሥራ አስኪያጅ አቶ ሠራዊት ፍቅሬ በበኩላቸው ላይፍ ሰከንድ ቻንስ ፋውንዴሽን (The Life Second Chance Foundation) የተባለው ድርጅት የካንሰር ሪፈራል ሆስፒታልን ለማቋቋም መነሳቱን ገልጾላቸው የድርጅታቸውን እገዛ ሲፈልግ በደስታ ተቀብለው «ጤና ይስጥልኝ» የተሰኘ በማውጣት አብረው እየተንቀሳቀሱ መሆኑን ገልጸዋል፡፡

ለዚህ ሰናይ ተግባርም የካቲት 22 ቀን 2000 .ም. በሚሊኒየም አዳራሽ የሙዚቃ ዘወግጅት እንደሚካሄድ ለማወቅ ችለናል። 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!