Ethiopia Zare (ሰኞ ሰኔ 29 ቀን 2001 ዓ.ም. July 6, 2009)፦ በፓርላማ ቀርቦ ውይይት የተደረገበትን የፀረ-ሽብርተኝነት ረቂቅ ሕግ እንደገና እንዲታይና እንዲመረመር ሂዮማን ራይትስ ዎች ጠየቀ።

 

ረቂቅ ሕጉ ኢትዮጵያ በዓለም አቀፍ ደረጃ ከተቀበለቻቸውና በሕገ-መንግሥቱም ካካተተቻቸው መሠረታዊ የሰብዓዊ መብቶች አንጻር ሲታይ የሚቃረኑ ድንጋጌዎችን ይዟል ሲል ትንታኔ ያቀረበው የሰብዓዊ መብት ተሟጋች ድርጅቱ፤ ሽብርተኝነትን በግልጽ አልተረጐመም፣ መንግሥት የሰብዓዊ መብት እንዲጥስ በር የሚከፍት ነው። ይህ ማለት በመንግሥት ላይ የሚነሱ የፖለቲካ ጥያቄዎችን ለማፈንና ሠላማዊ የፖለቲካ እንቅስቃሴ እንዳይበረታታ የሚያደርግ ነው ሲልም ተችቷል።

 

“መሠረታዊ የሰብዓዊ መብቶችን፣ በነፃ ሃሳብን የመግለጽ መብትን እስከማፈን ይደርሳል” በማለት ሕጉን የተቸ ሲሆን፤ ሆኖም ኢትዮጵያ የሽብር ጥቃት ሰለባ መሆኗ የማይካድ ነው። ሕጉ ግን ከፍ ሲል የተገለጸውን አንገብጋቢ ጉዳይ ትኩረት አላደረገበትም ሲል ከእንደገና እንዲመረመር ጠይቋል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!