ከፍቃዱ ጌታቸው ለመለስ

(ፍቃዱ ጌታቸው)
እንደምን አለህ ጋሼ እንደምን ነህ መለስ
ትመጣለህ ስንል ቀረህ ሳትመለስ
እኛማ ይሔውልህ
ባንተ ሌጋሲና ባንተ ትልቅ ራዕይ
በየአደባባዩ እንላለን ዋይ ዋይ
ዛሬም ጀነራልህ ተኩስ ነው ትዕዛዙ
ወገን ያጋድማል የግፍ አፈሙዙ
ለምንድን ነው ስንል ስምክን አስቀድመው
ከክርስቶስ በላይ ምስልህን አትመው
ቅዱስ መጽሐፍ ይመስል
ባንተ ራዕይና በሌጋሲህ ምለው
ቢረፈርፉንም አላለቅንምና
ደብዳቤ ላክንልህ ከሞት የተረፍነው!

አብርሃም በየነ

ጥምል እየዞረ በሰማዩ ማገር
በመሬቱ ዙሪያ ዕውነት የሚናገር
ጠባሳው ያልጠፋ የታሪክ አሻራ
መሬቱ መሰለኝ ጠላት የሚያፈራ።

ትኩሳት

Down, Down ወያኔ
ሕልሜን አየሁ በእውኔ
ድል ሲቀዳጅ ወገኔ

የአቦይ ስብሀት መንጋ
መስሎት አልጋ ባልጋ
መጣ ማልዶ ሲነጋ
ጦር ሰብቆ ሊወጋ

ትበጠሽ ይሆን እውነት

ሲበዛብሽ ቆራጭ ዘበት

አሁንማ ልቤ ሰጋ

ሲጠፋ የእውነት ዋጋ!

ታጣቢና አስታጣቢ

ፎጣ በትከሻ ውሀሀውን በጣሳ
ይዞ ሲያቀርብለት ታጣቢ ቢነሳ
አስጣታቢ እንቢ አለ የጁን ወሀ ነሳ
እንደዚህ ነበሩ ታጣቢ አስታጣቢ
የሚከባበሩ አንዱ ለአንዱ አሳቢ
ዛሬ እንዲያስታጥብ አንዱን ብንልከው
ብድግ ቢልለት ታጣቢ እንደ ድሮው
አስታጣቢ ጎኑ ተቀምጦ አስታጠበው