እውነት አልጋ ይዟል

በሄደበት ሁሉ በድፍን ከተማ

እኛ ስንወሻሽ ተቀምጦ እየሰማ

በመሳቀቅ ብዛት አካሉ መንምኖ

እውነት አልጋ ይዟል በሽተኛ ኾኖ

ፕ/ር ፍቅሬ ቶሎሳ

አስቀድሞ የተጻፈ ነው የሰው ልጅ

የሚውል፣ የሚያድርበት፣ የሚረግጠው ስፍራ፣

ከዛ እልፍ ዝንፍ አይልም።

የኔ ቶሮንቶ ነው ለሰሞኑ የተመደበልኝ ጎራ።

ታዲያ ይችን ዓለም እስከምለቅ፣

ወዴት ይሆን ቀጥሎ እግሬ የሚያመራ?

ፕ/ር ፍቅሬ ቶሎሳ

እየሱስ እግዚአብሔር በትህትና

የፍጡራኑን እግር አጎንብሶ አጠበ እያፈቀረ!

አንት ኢምንቱ ከንቱው ሰው፣

ከእግዜር በልጠህ ነው ልብህ በንቀት የተወጠረ?

ምንድነው ምከፍለው?

እሳት ተዋውሰን

እሳት ተለኳኩሰን

ተርኩሰን ጨረስን

አንድ ላይ አጭሰን

ለዚህ ለወንድሜ

እሳት ላበደረኝ

ምንድነው ምከፍለው

መልስልኝ ካለኝ

ፕ/ር ፍቅሬ ቶሎሳ

እባክህን መወደስ የሚገባውን

አትሰስት አወድሰው፤

እሱን ስላወደስከው አንተ አታንስም፣

ይልቅ ባታሞግሰው ነው የምታንሰው።