አትክልት አሰፋ

ይሄ ሁሉ ናዳ ይህ ሁሉ ውርጅብኝ
እንደ ዝናብ ወርዶ የሚቀጠቅጠኝ
ህሊናን አስቶ የሚደበድበኝ፤
ተስፋየን አሟጦ፡
በጭካኔ ረግጦ፤
ሙቀትና ብርዱ
አዘቅቱ ንዳዱ፡
ችግር ቸነፈሩ
ስቃይ ግርግሩ

ቢገድሉና ቢያስሩን ምንም ቢያሰቃዩን

ጠፍተን አንጠፋም አይዞሽ እንድናለን

የትውልዱ ሕይወት ፈክቶ የሚያብበው

በደማችን ፍሳሽ በስጋችን ፍግ ነው

ብዙ ተጓዙበት የምርጫውን መንገድ

መኖሩን ረስተው አለምርጫ መውረድ

የተገናኙለት ምርጫና ፍጥጫ

አወይ መከራዋ የሹም መቀመጫ

ለካስ ትክክል ነው የደም ስር ነው ገንዘብ
አንድ ጉድ አየሁኝ ባሳለፍነው ሮብ
ማሙዬ መንገድ ላይ ሳንቲም ተመልክቶ
ዱብ አለ ሊያነሳ ማሰሪያውን ፈቶ