Total coronavirus cases in Ethiopia, 2020-05-08

በኢትዮጵያ የኮሮና ቫይረስ የሁኔታ መግለጫ (ሰኞ ግንቦት 10 ቀን 2012 ዓ.ም.፤ በጤና ሚኒስቴር እና በኢትዮጵያ ሕብረተሰብ ጤና ኢንስቲትዩት የተዘጋጀ)

29ኙ በአዲስ አበባ የተገኙ ናቸው

ኢዛ (ሰኞ ግንቦት ፲ ቀን ፳፻፲፪ ዓ.ም. May 18, 2020)፦ የኮሮና ቫይረስ ወረርሽኝ ዕለታዊ ሪፖርት ይፋ መደረግ ከጀመረበት መጋቢት 4 ቀን 2012 ዓ.ም. ወዲህ በ24 ሰዓት ውስጥ ከፍተኛ ቁጥር ያላቸው የኮሮና ቫይረስ ተጠቂዎች መገኘታቸውን የሚያመለክት ሪፖርት ዛሬ ይፋ ኾኗል።

በዛሬው ዕለት (ሰኞ ግንቦት 10 ቀን 2012 ዓ.ም.) በጤና ሚኒስቴር ሪፖርት መሠረት በ24 ሰዓታት ውስጥ የኮሮና ቫይረስ ምርመራ ከተደረገላቸው 1,775 ሰዎች ውስጥ 35ቱ ቫይረሱ ተገኝቶባቸዋል።

ቫይረሱ ከተገኘባቸው ውስጥ 24ቱ በበሽታው ከተያዘ ሰው ጋር ግንኙነት ያላቸው ናቸው። ስድስቱ የውጭ አገር ጉዞ ታሪክ ያላቸው ሲሆን፤ አምስቱ ግን የውጭ አገር የጉዞ ታሪክ የሌላቸው ከመኾኑም በተጨማሪ በበሽታው ከተያዘ ሰው ጋር ግንኙነት የሌላቸው ናቸው።

በዛሬው ሪፖርት መሠረት ቫይረሱ ከገተኘባቸው ውስጥ 17ቱ ወንዶች፣ 18ቱ ደግሞ ሴቶች ናቸው። ከ15 - 80 ዓመት የዕድሜ ክልል ውስጥ ከሚገኙት ከእነዚሁ ተጠቂዎች ውስጥ፤ 29 የሚኾኑት በአዲስ አበባ የተገኙ ናችው። አንድ ከኦሮሚያ፣ አራት ሰዎች ከሶማሌ ክልል እና አንድ ከአማራ ክልል የተገኙ ናቸው።

በዛሬው የጤና ሚኒስቴር መረጃ፤ ዛሬ ቫይረሱ የተገኘባቸውን ጭምሮ አጠቃላይ በአገሪቱ ቫይረሱ የተገኘባቸውን ሰዎች ቁጥር 352 አድርሶታል። ሦስት አዲስ ያገገሙ ሰዎች በመገኘታቸው፤ ከበሽታው ያገገሙ ሰዎች ቁጥር 116 መድረሱን ለማወቅ ተችሏል። በአሁኑ ወቅት ቫይረሱ ተገኝቶባቸው በሕክምና ላይ የሚገኙ ሰዎች ቁጥር 229 የደረሰ ሲሆን፤ እስካሁን በኢትዮጵያ ምርመራ የተደረገላቸው ሰዎች ቁጥር 59,029 ደርሷል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!