20210302 adwa

ለመከላከያ ክብር እቆማለሁ!

ለመከላከያ ክብር እቆማለሁ!

በመላው ዓለም የሚገኙ ኢትዮጵያውያን ከመከላከያ ሠራዊቱ ጋር መቆማቸውን አስታወቁ

ኢዛ (ማክሰኞ ኅዳር ፰ ቀን ፳፻፲፫ ዓ.ም. November 17, 2020)፦ ለመከላከያ ክብር እቆማለሁ በሚል ዛሬ ማክሰኞ ኅዳር 9 ቀን ከጠዋቱ 5 ሰዓት ተኩል የተካሔደው ፕሮግራም በተለያዩ የአገሪቱ ክፍሎች እና በዓለም አቀፍ ደረጃ ኢትዮጵያውያን በሚገኙበት አካባቢ ለመከላከያ ሠራዊቱ ያላቸውን ክብር በሚገልጹ ፕሮግራሞች ተካሒደዋል።

ይህ ፕሮግራም ጠቅላይ ሚኒስትር ዶ/ር ዐቢይ አሕመድ እና ሌሎች የአገሪቱ ከፍተኛ ባለሥልጣናት በተገኙበት በተለያዩ አካባቢዎች ተካሒዷል።

ቀኝ እጅን ደረት ላይ በማድረግና ለአንድ ደቂቃ በቆየ ጭብጨባ ጭምር ለመከላከያ ሠራዊቱ ክብር የተሰጠበት ይህ ፕሮግራም፤ በተለይ በአዲስ አበባ ጎዳናዎች እስካሁን ባልተቋረጠ የተሽከርካሪዎች ክላስክ (ጡሩንባ) የታጀበም ነው።

ዜጎች ባሉበት ሁሉ ይህንን ለደቂቃዎች የሚቆይ ሥርዓት እየፈጸሙ ነው። በውጭ አገር የሚኖሩ በርካታ ኢትዮጵያውያንም እጃቸውን ደረታቸው ላይ በማድረግና የኢትዮጵያን ሰንደቅ ዓላማ በመያዝ ምስሎቻቸውን በማኅበራዊ ትስስር ገጾቻቸው ላይ አሰራጭተዋል።

ጁንታው የሕወሓት ቡድን በሰሜን ዕዝ የመከላከያ ሠራዊት ላይ የፈጸመውን ዘግናኝ ድርጊት በመቃወምና የኢትዮጵያን ሰንደቅ ዓላማ ከፍ አድርጎ በማውለብለብ ስሜቱን የገለጸ ሲሆን፤ ከመከላከያ ሠራዊት ጎን እቆማለሁ የሚለው የዛሬው ፕሮግራም ቁጭትም የታየበት ነው።

ኢትዮጵያውያን በአንድነት መቆማቸውን ጭምር ያመለከተው የዛሬው ፕሮግራም፤ ለሠራዊቱ ትልቅ ስንቅ እንደሚኾነውም ከፍተኛ የጦር መኮንኖች ገልጸዋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!