Happy Ethiopian Newy Year! መልካም አዲስ ዓመት ይሁንልዎ!

Abune Paulos ሪዞርቱ ለአንድ ቀን መኝታ ከ143 ዶላር (1,404.47 ብር) እስከ 286 ዶላር (2,808.93 ብር) ያስከፍላል

Ethiopia Zare (ቅዳሜ ሐምሌ 19 ቀን 2000 ዓ.ም. July 26, 2008)፦ ብፁዕ ወቅዱስ አቡነ ጳውሎስ ፓትሪያርክ ርዕሰ ሊቃነጳጳሳት ዘኢትዮጵያ ከአዲስ አበባ 50 ኪሎ ሜትር ርቀት በምትገኘው ደብረዘይት ከተማ ውስጥ የሚገኘው “ኩሪፍቱ ሪዞርት እና ስፓ” የተባለው መዝናኛ አባል መሆናቸውን የቅርብ ምንጮች ገለጹ። መዝናኛው ዘመናዊና ውድ መሆኑ ታውቋል። 

 

“ኩሪፍቱ ሪዞርት እና ስፓ” ዘመናዊ እና ውድ መሆኑን ከተገኘው መረጃ ለማወቅ ተችሏል። በኩሪፍቱ ሪዞርት እና ስፓ አባል የሚሆን ሰው በዓመት ሦስት ሺህ ብር የአባልነት መክፈል ይጠበቅበታል። በዚሁ መሠረት በአባልነት የተመዘገበ ማንኛውም ሰው በዋና፣ በመኝታ፣ በማሳዥ፣ በፀጉር ሥራ፣ በስቲም፣ በሳዉና፣ በጃኩዚ እና በሌሎች ሪዞርቱ በሚሰጥው አገልግሎቶች ላይ የ25 በመቶ ቅናሽ ያገኛል።

 

“ኩሪፍቱ ሪዞርት እና ስፓ” ከሚሰጣቸው አገልግሎቶች ውስጥ የመኝታ አገልግሎቱን ለመጠቀም የሚፈልግ በአሜሪካን ዶላር መክፈል ይኖርበታል። የመኝታ ክፍሎቹ ደረጃቸው የተለያየ ሲሆን፣ ለአንድ ቀን አዳር ከ143 ዶላር (1,404.47 ብር) እስከ 286 ዶላር (2,808.93 ብር) የሚከፈልባቸው እንዳሉ ለመረዳት ተችሏል።

 

ኩሪፍቱ ሪዞርት በደብረዘይት ከተማ በምትገኝ ኩሪፍቱ በተባለች አነስተኛ ኃይቅ ዳርቻ የሚገኝ መዝናኛ ስፍራ ነው። ባለቤቱ አቶ ታዲዮስ የተባለ አዲስ አበባ ውስጥ “ቦስተን ዴይ ስፓ” የተባለ ዘመናዊ መዋቢያ ቤት (የውበት ሣሎን) እና ከቦሌ ብዙም ሳይርቅ በጣም ትልቅና ውበት ያለው ባለ ሰባት ፎቅ ሕንጻ ባለቤት ነው። በዚሁ ሕንጻ ላይ እንግዳ ማረፊያ (ገስት ሐውስ) ያለው ሲሆን፣ ንዋይ ደበበ አሁን በቅርቡ ከአሜሪካን ሀገር ወደ ኢትዮጵያ በሄደ ጊዜ ያረፈው በዚህ ሕንጻ ላይ ነበር።

 

ወደ ሪዞርቱ ስንመለስ ሪዞርቱ እጅግ ውበት ያለው እያንዳንዱ መኝታ ክፍል የራሱ ክልል ያለው፣ ለአንድ ቀን አዳር ሲከፍሉ የተሟላ አገልግሎት የሚገንበት ሲሆን፣ ከላይ የተጠቀሱት ዋና፣ ጃኩዚ፣ ሳዉና ባዝ፣ ማንኪዩር፣ ኤሮቲክ ማሳዥ፣ ... መጠቀም ይቻላል።

 

ከዚህ በተጨማሪ ሲኒማ ቤት ያለው ሲሆን፣ የሲኒማ ቤቱ መመልከቻ ወንበሮች አንጋለው የሚያስተኙ ልዩ የስፖንጅ መተኛዎች ናቸው። ስክሪኑም በጣም ትልቅ ሲሆን፣ ፊልም እያየ መዝናናት ለሚፈልግ ምቹ ናቸው።

 

በዚህ ስፍራ ሀብታሞች ፍቅረኞቻቸውን (ገርል ፍሬንዶቻቸውን)፣ ሚስቶቻቸውን ወይም ውሽሞቻቸውን ይዘው የሚዝናኑበት ሲሆን፣ በዛ ስፍራ ለመዝናናት የረጅም ጊዜ ቀጠሮ አሊያም አባል መሆን ያስፈልጋል። የሪዞርቱ ውበት በቃላት ከሚገለጸው በላይ እንደሆነ ለመረዳት ችለናል።

 

አቡነ ጳውሎስን በተመለከተ በተኘነው መረጃ የሪዞርቱ የክብር አባል (ቪአይፒ) መሆናቸውን ማረጋገጥ ቢቻልም የትኛውን አገልግሎት እንደሚወስዱ ግን ለማወቅ አልተቻለም።

 

ኩሪፍቱ ሪዞርት እና ስፓ በሀገር ውስጥ ያሉ የተለያዩ አምባሳደሮች ከፍተኛ የመንግሥት ባለሥልጣናት እና ለማንኛውም ዜጋ አገልግሎት በመስጠት ላይ የሚገኝ እጅግ ዘመናዊ ሪዞርት ነው። ሪዞርቱ በባህር ዳር በጣና ኃይቅ ዳርቻ ሌላ ደረጃውን የጠበቀ ሪዞርት በማሠራት ላይ ይገኛል። (ስለኩሪፍቱ ሪዞርት እና ስፓ ግንዛቤ ይኖርዎ ዘንድ እዚህ ይጫኑና የሪዞርቱን ድረ ገጽና ከመኝታ ክፍሎቹ አንዱን ይጎብኙ

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!