TPLF and Ethiopian Election 2020

በሕወሓት የሚመራው የትግራይ ክልል መንግሥት፤ ምርጫውን ለማድረግ የሚከለክለኝ የለም እያለ ነው

ምርጫውን ለማድረግ የሚከለክለኝ የለም እያለ ነው

ኢዛ (ሰኞ ሐምሌ ፳፯ ቀን ፳፻፲፪ ዓ.ም. August 3, 2020)፦ የፌዴሬሽን ምክር ቤት በትግራይ ክልል ምርጫ ለማካሔድ የሚደረገው እንቅስቃሴ ሕገ መንግሥታዊ ባለመኾኑና ይህንን እንቅስቃሴ የክልሉ መንግሥት ካላቆመ ሕጋዊ እርምጃ እንደሚወሰድ ላስጠነቀቀበት ደብዳቤ፤ የትግራይ ክልል ምላሽ ሰጠ። በሕወሓት የሚመራው የትግራይ ክልል መንግሥት፤ ምርጫውን ለማድረግ የሚከለክለኝ የለም እያለ ነው።

ከአንድ ሳምንት በኋላ ዘግይቶ ከትግራይ ክልል የተሰጠው ምላሽ፤ የፌዴሬሽን ምክር ቤቱን ማስጠንቀቂያ የማይቀበለው መኾኑን የሚያመላክት ነው።

በክልሉ የኮምዩኒኬሽን ቢሮ በኩል የተሰጠው ምላሽ፤ ምርጫ ለማካሔድ የሚቻል መኾኑን የሚገልጸው ደብዳቤ የተጻፈው በአፈ ጉባዔው በኩል በመኾኑ ተቀባይነት የሌለው እና እንዲህ ዐይነቱ ደብዳቤ በአፈ ጉባዔው መጻፉ ሕገወጥ ነው በሚል ተቃውሞታል።

የፌዴሬሽኑ ምክር ቤት አፈ ጉባዔ እንዲህ ያለውን ደብዳቤ ለመጻፍ የፌዴሬሽኑ ምክር ቤት አባላት ሊወስኑ ስለሚገባ፤ በአፈ ጉባዔው የተጻፈው ደብዳቤ ተቀባይነት የሌለውና ሕገወጥ ነው የሚል ይዘት ያለው የክልሉ ምላሽ፤ ምርጫን ለማድረግ የሚከለክለን የለም የሚል አቋም የተንፀባረቀበት ነው። ተጫማሪ ውሳኔዎችም በክልሉ ምክር ቤት ሊሰጥ የሚችል መኾኑንም ይኸው የክልሉ ኮምዩኒኬሽን ቢሮ መረጃ ያመለክታል።

የኮምዩኒኬሽን ቢሮው ምላሽ በተለያዩ የሕግ ባለሙያዎች ከሕጋዊነት የራቀ መኾኑን እየገለጹ ሲሆን፤ በተለይ ማንኛውም ክልል ሕገ መንግሥቱን የመጣሰ እንቅስቃሴ ካደረገ፤ የፌዴሬሽን ምክር ቤት በተሰጠው ኃላፊነት መሠረት ሕጋዊ እርምጃ እንደሚወስድ የተቀመጠውን ድንጋጌ የሚፃረር ጭምር በመኾኑ፤ የክልሉ መንግሥት እያደረገ ያለው እንቅስቃሴ አደገኛ ስለመኾኑ እየተጠቆመ ነው።

ይህ ምላሽ የፌዴሬሽን ምክር ቤቱ ወደ እርምጃ እንዲገባ የሚያደርገው ስለመኾኑ እየተነገረ ነው።

የትግራይ ክልል ምክር ቤት ለፌዴሬሽን ምክር ቤት የጻፈው ምላሽ እንደሚያመለክተው፤ ለክልሉ የተጻፈው ማስጠንቀቂያ የሕገ መንግሥት መርኆችን የሚጥስ፣ የብሔር ብሔረሰቦችና ሕዝቦች ሉአላዊ የሥልጣን ባለቤትነትን የሚፃረር በመኾኑ፤ የትግራይ ብሔራዊ ክልላዊ መንግሥትና ሕዝብ በጽኑ ይቃወሙታልም ብሏል።

የክልሉ ምክር ቤት ለፌዴሬሽን ምክር ቤት የሰጠው ምላሽ የሚከተለው ነው። (ኢዛ)

የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 1
የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 1
የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 2
የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 2
የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 3
የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 3
የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 4
የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 4
የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 5
የትግራይ ክልል ለፌዴሬሽን ምክር ቤት የሰጠው ምላሽ ደብዳቤ ገጽ 5

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!