Ethiopian Airlines

የኢትዮጵያ አየር መንገድ

እገዳው ለአንድ ሳምንት ሲሆን፤ ወደ ሻንጋይ የሚደረግ በረራ ላይ ነው

ኢዛ (ረቡዕ ነኀሴ ፳ ቀን ፳፻፲፪ ዓ.ም. August 26, 2020)፦ የቻይና ሲቪል አቪየሽን በኢትዮጵያ አየር መንገድ ላይ የአንድ ሳምንት በረራ እገዳ ማድረጉን አስታውቋል።

የቻይና ሲቪል አቪየሽን ይህንን እገዳ ያደረገው ወደ ሻንጋይ በሚደረግ በረራ ላይ ሲሆን፤ ዋነኛው ምክንያት የኢትዮጵያ አየር መንገድ ወደ ቻይና ባደረገው በረራ ስድስት ሰዎች የኮሮና ቫይረስ ስለተገኘባቸው ነው።

አሁን ባለው የቻይና መንግሥት አሠራር ወደ ቻይና በሚደረግ የማናቸውም አየር መንገዶች ከሚያጓጉዙዋቸው መንገደኞች ውስጥ አምስትና ከዚያ በላይ የሚኾኑ መንገደኞች በኮሮና ቫይረስ ከተያዙ፤ በቫይረሱ በተያዙት ሰዎች ቁጥር መጠን የበረራ እገዳ እያደረገች ነው።

በዚሁ አሠራርዋ መሠረት ሰሞኑን ወደ ሻንጋይ በረራ ያደረገው የኢትዮጵያ አየር መንገድ ውስጥ ስድስት ሰዎች በቫይረሱ መያዛቸው በመረጋገጡ፤ የኢትዮጵያ አየር መንገድ በረራ ለአንድ ሳምንት እንዲታገድ መደረጉ ተገልጿል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!