የአንባብያን ድምፅ: 5 / 5

ሠላምታዬን ወስደህ ከበላኸው

ምን ቸገረኝ ዕዳው ያንተ ነው

ትከፍላታለህ አንድ ቀን

ወይ በደስታ ወይ በኀዘን

የአንባብያን ድምፅ: 5 / 5

ሀገሬ ናፍቆኝ ሄጄ

ለካስ ሀገሬ አይደለም ወዳጄ

መልኬን አትኩረው እያዩኝ

ቋንቋዬን በትክክል እየሰሙኝ

'ዘርህ ምንድነው?' ብለው ጠየቁኝ

የአንባብያን ድምፅ: 5 / 5

እሁድ ጠዋት ተጠራርተው

ጥቂት ሰዎች ተሰባስበው

ቁጭ አድርገው መርዶ አረዱኝ

”ዘሃራ ቤይሩት ሞተች” አሉኝ

እኔ ምንድነኝ ለዘሃራ

ብዬ ነገሩን ሳጣራ

ለካስ ልጄ - ሣራ ብሩ

ሆና ኖሯል - ዘሃራ ኑሩ

የአንባብያን ድምፅ: 5 / 5

ቃሌን አለውጥም ባለች

እንደማንዴላ ታሰረች

ልዩነቱ ከማንዴላ

ጥቁር በጥቁር ተበላ

ሌላም ልዩነት ታይቷል

ወንድ እያለ ሴት ተፈርቷል።

የአንባብያን ድምፅ: 5 / 5

እዛ ቀብር ላይ ያየሁህ

ወይኔ ወይኔ ስትል የሰማሁህ

ለሱ ነው ላንተ የጮኽከው

እንባህን እንደዛ ያፈሰስከው

የአንባብያን ድምፅ: 5 / 5

ከናቅከው ስለሚንቅህ

አትናቀው እንዳይንቅህ

አትመልከት ካንተ ማነሱን

ማንም አይከለክለው ንቀቱን

የአንባብያን ድምፅ: 4 / 5

እነዛን ሰዎች ምከሯቸው

አለበለዚያ ዕድሜም የላቸው

ለራሳቸው ብቻ እየበሉ

እንዴት ሌላውን ’ተራብ’ ይላሉ

የተራበ ይጠግባል ኋላ

የጠገበ በጠገበ ሲበላ

የአንባብያን ድምፅ: 4 / 5

መጀመሪያ ለራስህ ነፃነት ስጥ

ከሱ አገኛለሁ ብለህ አትለማመጥ

መብትህን እራስህ ሳትጠብቅ

አትገረም በእሱ መንጠቅ

የአንባብያን ድምፅ: 5 / 5

ቁጥር ፩

አሁንስ በዛ የኔ ችግር

መነጽር ፍለጋ ሌላ መነጽር

ይህስ አልመሰለኝም የዓይን

ሰውሮኝ ነው ህሊናዬን