የት ይገቡ ይሆን?

ከሀገሬ ነጥቀው የግል ያደረጉኝ

የገዥዎች ንብረት መጫወቻ ዕቃ ነኝ

ብቻ ከተነሳኹ ሠንሠለት ፈትቼ

የት ይገቡ ይሆን እነዚህ ጌቶቼ?

ህሊና ሲቆሽሽ

ፈልገህ ፈልገህ - ካልተገኘ ተወው

በንጹህ ህሊና - መኖርም ሀብት ነው

ንዋይ ቢትረፈረፍ - ህሊና ቆሽሾ

ማሩ ይመርሀል - ሲገባ እንደ ጌሾ

የእንቅልፍ ምቀኛ

(ዶ/ር ፍቅሬ ቶሎሳ)

እወራረዳለሁ በአንድ ሚሊዮን ብር

ሸለብ ሲያደርግህ ነው ስልክህ የሚል ቅርርር!

ሚያዝያ 9፣ 2008 ዓ.ም. (አፕሪል 17፣ 2016 እ.ኤ.አ.)፤ ምንጭ፡- ፌስቡክ

ምላሽ ለዶ/ር ፍቅሬ ቶሎሳ

ለንቅልፍህ አትሳሳ

(ለዶ/ር ፍቅሬ ቶሎሳ)

ወለላዬ

ይከሰታል አዎን! ልክ ነህ ዶክተሬ

የት ይጠፋል ብለህ የሚል ፍቅሬ ፍቅሬ

ደግሞም ትክክል ነው እንዳተ ለሚጽፍ

በዚህ በአሁን ጊዜ ምን ይሠራል እንቅልፍ

አንቆ ይገድለዋል

አጥፊን ከጠፊ ጋር - አቆራኝቶት እግዜር

ሰው ገዳዩን ሳያውቅ - አብሮ ነው የሚኖር

የሩቅ ጠላት አለኝ - እያለ ሲሰጋ

አንቆ ይገድለዋል - የሚወደው ሥጋ

አብርሃም በየነ

ጭብጥ ጥሬ በልቶ

ጥርኝ ውኃ ጠጥቶ

ኖርኩ እንዲልም ኑሮ

የደከመ አካሉን መደብ ላይ ዘርሮ፤