ዛሬ ጊዜ ሰጥቶህ እኔን ብታጠፋ

አታመልጥም አንተም ከመሞት ወረፋ

ያተረፍከው ሲታይ ኋላ ተጠቃሎ

መብለጥህ ብቻ ነው በክፋትህ ኪሎ

መተካት ቢችልም ሰውን ሰው አፍርቶ

ዓለም ተለውጧል የድሮ ሰው ጠፍቶ

መሠልጠን ነው ካልነው አዎ ሠልጥነናል

ያንኑ ያህል ግን ሰውነት አጥተናል

ጉድ ብለን ነበረ በጃንሆይ እስር

ታላቅ መንግሥታቸው በደርግ ሲደፈር

ደርግም ተወራጭቶ ብን ብሎ ጠፋ

የዚህኛው ታየኝ ከሁሉም ሲከፋ

ፕ/ር ፍቅሬ ቶሎሳ

ፊት ለፊትህ ሰው ጠኔ ይዞት

በቁንጣን እያገሳህ ልብህ ቢደነድን፣

ለተራበው አዝነህ ባትመግበው

አንተ የኖርክ ቢመስልህም ነህ በድን።

ወለላዬ ከስዊድን

በሥራው ላይ ልፈላሰፍ

ቅኔ ልቀኝ ግጥም ልጽፍ

ቸኩያለሁ አልሞት ብሎኝ

የማደንቀው ሰው ነበረኝ

ሳይሞትማ ሳይቀበር

ስሙን ማንሳት እሱን ማክበር

መስሎ ታይቶኝ ልምድን መስበር

የማደንቀው ሰው እያለኝ

ልጽፍለት ተቸገርኩኝ