አረጓት አክርማ

አርባ ሚንስትሮች ገንዘብ የጠገቡ

የሚያወጡት አጥተው አዋጅ የተራቡ

ዓለም ያወቃትን አንዲቷን ከተማ

ሁለት አደረጓት ከፍለው እንዳክርማ

መስፈሪያችን አንሷል

የእነሱን ጥላቻ ጥፋትና በደል

ወደፊትም ገና ያሰቡትን ተንኮል

ለማወቅ አልቻልንም እስካሁን ጨርሶ

ማንነታቸውን መስፈሪያችን አንሶ

እንጸልይ

በእኔ እበልጥ እኔ እበልጥ ትርምስ

በራስ ወዳድነት ሱስ

ሕዝብ በሕዝብ ላይ!

ዘመድም በዘመዱ አዋይ!

እጁን ዘረጋ፣ ቃል እምነቱን አፈረሰ

የመጨረሻው ዘመን ደረሰ

አቱራጋ ዓለሜ

የአገር የአስተዳደራዊ ሥርዓት በተለወጠና መሪዎች በተቀያየሩ ቁጥር በርካታ የአገሬው ሰዎች ስደት አይኑ ይጥፋ እያሉ ሕይወታቸውን ለመታደግ ተሰደዋል። እንደወጣ የቀረው አንጋፋ ሙዚቀኛ ተሾመ ምትኩ እመጣለሁ ቢልም መምጫ መንገዱ የተጠረገለት አይመስለኝም። ከዓመታት በፊት አገሬን ማዬት እፈልጋለሁ ብሎ ነበር። ሕልሙ እስካሁን አልሞላለትም።

እርጅናሽ ወደደኝ

እናቴ ሽበትሽን በሽበቴ አየሁት

ጥርሴም እንደጥርስሽ ረግፎ ሸኘሁት

እንደአንቺው ደፋ አለ ወገቤም ጎበጠ

እርጅናሽ ወደደኝ ካንቺ የበለጠ