የአንባብያን ድምፅ: 5 / 5

መስፍን ነጋሽ

በእኔ እድሜ የደምሴን ያህል አገራዊ የስፖርት ስሜትን፣ በተለይ እግር ኳስን ወደ ልባችን ያቀረበ ጋዜጠኛ አልነበረም። እንደዛሬው ኢንተርኔት መገልበጥ ማእረግ በማያሰጥበት ዘመን። በሳምንት ሁለትና ሦስት ቀን ስታዲየም በምገባበት፣ ሁለቱን ሙሉጌታዎች፣ እነሚሊዮን በጋሻውን፣ እነቸርኬን (ጊዮርጊስ)፣ እነሙሉዓለም እጅጉን (ጦሩ)፣ እነአብዲን (መድን)፣ እነአፈወርቅን (እርሻ)፣ ያ ደሞ የአየር ኀይሉ አጥቂ ማን ነበር? ... ረሳሁት ማለት ነው? (ይልቅ ተከላካያቸው መሰለ፣ ጆን ቴሪን ቁጭ ነበር)፣ ከዛ ደሞ ... ይህ ሁሉ ሲሆን ብቸኛው የስፖርት መረጃ ምንጫችን ደምሴ ነበር፤ እርግጥ ሌሎችም ጋዜጠኞች ነበሩ በተለይ እነ ... ማነው ... ይንበርበሩ መሰለኝ። ቢሆንም ደምሴ የተለየ መስህብ ነበረው።

የአንባብያን ድምፅ: 5 / 5

ዳንኤል ክብረት

አሜሪካን ሀገር ወደሚኖሩ ወዳጆቼ ቤት ሄጄ ነበር። ከተጋቡ ሁለት ዓመት ሆኗቸዋል። ቤታቸው ስገባ የቤቱም ዕቃ የቤቱም ሰዎች ዝምታ ውጧቸዋል። አባ አጋቶን ቤት የገባሁ ነው የመሰለኝ። እርሱ ክፉ ላለመናገር ሰባት ዓመት ድንጋይ በአፉ ጎርሶ በአርምሞ ተቀምጧል። ነገር ዓለሙ አላምር ሲለኝ ‹ምነው ያለ ወትሯችሁ ዝምታ ዋጣችሁ› ብዬ ተነፈስኩ። እዚህ ቤት የነበረውን ሳቅና ጨዋታ ስለማውቀው። ‹ሳቅና ጨዋታ ዝና ካማራችሁ› ሲባል አልሰማችሁም።

ተስፋዬ ገብረአብ

አማረ አረጋዊ ከልብ የሚያደርሱ ቃላትን በመጠቀም ኢህአዴግን የሚገለባብጥበት ጊዜ አለው። የረቡእ ርዕሰ አንቀፅ የዚህ ምሳሌ ነው። ኢህአዴግን በሁለት ከፍሎ ያየዋል። ሙሰኛ ያልሆኑ፣ ለአገር አሳቢ የሚላቸው አሉት። እንዲህ ማለቱ ሚዛን ለመጠበቅ ይሆናል። ርግጥ ነው፣ እኔ ጨምቄ ያቀረብኩት የርእሰ አንቀፁን ቁንፅል አሳብ ነው። አማረ በርዕሰ አንቀፁ ኢህአዴግ በመጪው ጉባኤ ራሱን እንዲያፀዳ መክሮአል። የአማረ ምክሮችና የኢህአዴግ ጠንካራ ጎን ሆነው የቀረቡት አጃቢዎች ገለል ሲሉ የኢህአዴግን እውነተኛ ምስል የሚገልፀው ክፍል የሚከተለውን ይመስላል።

የአንባብያን ድምፅ: 5 / 5

ተስፋዬ ገብረአብ

 የኤርትራውያን የአረብኛ ፓልቶክ ክፍል በረከት ስምኦንን እንግዳ አድርጎ ጋብዞ ነበር። ጥያቄዎች ይቀርቡ የነበሩት በአረብኛ ቢሆንም፣ የትግርኛ ትርጉም ስለነበረው ሙሉውን ተከታትዬው ነበር። ውይይቱ ሲጨመቅ በሁለት መሰረታዊ ጥያቄዎች ዙሪያ ያተኮረ ነበር ማለት ይቻላል።

የመጀመሪያው፣ “የኢትዮ - ኤርትራ ድንበር ለምን አይካለልም? ችግራችሁ ምንድነው?” የሚል ነበር። በረከት የተለመደውን ምላሽ ሰጥቶአል።

የአንባብያን ድምፅ: 4 / 5

ተስፋዬ ገብረአብ

በኛ ዘመን የብእር ሰው ሆኖ መፈጠር መረገም ሆኖ ይሰማኛል። ከቡቃያው የሚነጋገር፣ በሁዳዱ ላይ ሽምጥ ፈረስ የሚጋልብ፣ ውሎው ከዋልካው፣ ማምሻው ከመልካው የሆነ ገበሬ እንዴት እድለኛ ነው? የኛ ዘመን ብእረኛ ህይወቱ በሰላዮች የተከበበ ነው። ተፈጥሮው ነውና አለመፃፍ አይችልም። መፃፍ ደግሞ አደጋ ነው። በአሉ ግርማ እንዲህ ባለ ችግር ውስጥ አልፎ፣ በከንቱ ያለፈ ደራሲ ነበር። ደርግ ብዙ ሰላዮች መድቦበት ነበር።

ተስፋዬ ገብረአብ

ሰሞኑን ግርማ ብሩ አሜሪካ ለሚገኝ ሬድዮ ሰጠውን ቃለመጠይቅ በጥንቃቄ አዳምጬው ነበር። በርግጥ ሰውየው ስነአመንክዮአዊ ክርክር ይችልበታል። የሚጠቀምባቸው ቃላት ምርጥ ናቸው። ቢሆንም መረጃ ይደብቃል። ከእውነታው ይሸሻል።