ምሕረት ዘገዬ

መረጃ አይናቅም። መረጃ ሁሉ በግርድፉ እንደ እውነት አይወሰድም። መረጃዎች እንደየምንጫቸው ሰውን/ተቋምን ለማሳሳት፣ ለማደናገር፣ ለማስፈራራት፣ ለማስጠንቀቅ፣ ለማሳወቅ፣ ወዘተ ... ይለቀቃሉ። ጥንቃቄ ማድረግ የሚያሻው መረጃ ተጠቃሚው ወገን ነው።

ጠ/ሚ ዐቢይ ሥራው የተቃና ይሆን ዘንድ፣ እኛም ዜጎች የሚታየንን ባሉን ማስንተፈሻዎች እንጠቁማለን፤ ሰሚ ካገኘን እሰዬው። ሰሚ ባናገኝ ቢያንስ ከኅሊና ወቀሳ እንድናለን። የሚነገሩ ሁሉ እውነት ሊሆኑ እንደማይችሉ ሁሉ፤ የሚነገሩ ሁሉ ሐሰት ሊሆኑም አይችሉም። የአንድ መሪም ሆነ ጉዳዩ የሚመለከተው ወገን ዋና ኃላፊነት እውነቱን ከውሸቱ አበጥሮ የመለየት ትልቅ ተግባር ነው።

ዩሱፍ ያሲን (ኦስሎ ኖርዌይ)

በዛሬይቷ ኢትዮጵያችን ተስፋም፣ ስጋትም፣ ሰፍኗል። ጎን ለጎን እርግጥ ተስፋ መሰነቁ ሚዛን እየደፋ መምጣቱ አይካድም። መዳረሻችን በውል ባለመታወቁ ጉዟችንን በጥርጣሬ ዓይን የሚመለከቱ ወገኖች በዚያኑ መጠን እንዳሉ መቀበል የግድ ይላል። ደስ በሚያሰኙ ቸር ወሬዎች እየተንበሸበሽን ነን። ባንጻሩ ተስፋን የሚያደበዝዙ ዜናዎች ያንገላቱናል፣ ያላጉናል ብንል ማጋነን አይሆንብንም። There is Good news ብለው በኋላ There is bad news በማለት አሜሪካኖቹ እንደሚጠርቁት መሆኑ ነው። በየቱ እንጀምር? ከነጸሎቱ «ቸር ወሬ ያሰማን!» ስለሆነ ወጉ፤ ደግ ደጉን ላስቀድም።

ዳግማዊ ጉዱ ካሣ

አንድን ሰው ወይም ድርጅት መፈረጅ ቀላል ነው። ፍረጃ ደግሞ እንደተመልካቹ ነው። አሁን በአጭሩ የምናገረው የሰሜን አሜሪካ የኢትዮጵያውያን ስደተኞች የስፖርት ፌዴሬሽን ስለሚባለው የቦሌ ሞልቃቆች - የፈረንሣይ ልዕልቶች ስብስብ ነው። የካሣ ዳምጤ ልጅ (ዳግማዊ ጉዱ ካሣ) መሸፋፈን አያውቅም። ከአንጀቴ የወጣ ብሶቴን በጥሞና አድምጡ። ለዚያውስ ይህን ጽሑፍ የሚያወጣልኝ ድረገጽ ሳገኝ አይደል? ዓለም የምትንሰፈሰፈው ላለው ነው፤ ድሃን የምትጸየፍ ዓለም የኔን ብሶት ለማድመጥ ጊዜም የላት። የሚያስተናግደኝ አንድ እንኳን ባገኝ ዕድለኛ ነኝ። በውነት በጣም ተናድጃለሁ።

ብሥራት ደረሰ (ከአዲስ አበባ)

የትናንትናዋ ዕለት እጅግ ታሪካዊት ናት። ይህችን የመሰለች ታሪካዊት ቀን ትመጣለች ብሎ የጠበቀ ወይ ያሰበ ካለ በርግጥም ነቢይ መሆን አለበት። ቀኒቱ ለዘላለም ልትዘከር ይገባታል። በአንድ በኩል የወያኔን አገዛዝ የሚነቅፍ በሌላ በኩል አንዳርጋቸው ፅጌን በአንድ ወይ በሌላ ምክንያት የሚፈራም ሆነ የሚጠላ ግንቦት 21/2010 ዓ.ም.ን ቢያስባት በኢትዮጵያ መፃዒ ዕድል ላይ ጭላንጭል ብርሃን መፈንጠቁንና በእግረ መንገድም ፍትህ-ወዳድ መሆኑን ይጠቁማል። “ከመረቁ አውጡልኝ ከሥጋው ጦመኛ ነኝ” ማለት አይገባም። የአንዳርጋቸው መለቀቅ ካላንዳች ቅድመ ሁኔታ ሁላችንንም ሊያስደስት የሚገባ ያልተጠበቀ ክስተት ነው።

ፕሮፌሰር አለማየሁ ገብረማርያም (ትርጉም፣ ነጻነት ለሀገሬ)

እ.ኤ.አ. ሚያዝያ 8 ቀን 2018 ዓ.ም.
ለጠቅላይ ሚኒስትር ዐቢይ አሕመድ
ጠቅላይ ሚኒስትር ጽ/ቤት
አዲስ አበባ፣ ኢትዮጵያ

“እንደማንኛውም ተራ ደቡብ አፍሪካዊ ዜጋ ዕለት በዕለት የምናከናውናቸው ተግባራት የሰው ልጆች በፍትህ ላይ ያላቸውን እምነት እና በእራስ የመተማመን መንፈስ በማጠናከር ለሁሉም ሕዝብ የተመቸ እና አንጸባራቂ ሕይወት ለማስገኘት እንዲቻል ይህች ቆንጆ የሆነች ሀገር በፍጹም በፍጹም እንደገና አንዱ በሌላው የማትጨቆን እና የዓለም ሁሉ ውራጅ እንዳትሆን ጠንክረን መስራት አለብን።” ፕሬዚዳንት ኔልሰን ማንዴላ እ.ኤ.አ በ1994 ካደረጉት የመክፈቻ ንግግር የተወሰደ

ውድ ጠቅላይ ሚኒስትር ዐቢይ፣

ጠቅላይ ሚኒስትር ሆነው በመሾምዎ ልባዊ የሆነ የእንኳን ደስ አለዎት መልዕክቴን ይቀበሉኝ። የኢትዮጵያ አዲስ ትውልድ አባል በኢትዮጵያ በጣም ከፍተኛውን የስልጣን እርካብ ተቆናጥጦ በማየቴ እጅግ በጣም ደስ ብሎኛል።

ግርማ ካሳ

በቅርቡ እኔም ያለሁበት የምሁራንና አክቲቪስቶች ስብስብ ለአቶ ገዱ አንዳርጋቸው በአማራ ክልል ከአማርኛ ከእንግሊዘኛ በተጨማሪ ሦስተኛ ቋንቋ እንዲሰጥና ሦስተኛው ቋንቋም አሮምኛ ከሆነ በላቲን ሳይሆን በግዕዝ ፊደል እንዲጻፍ የሚጠይቅ፣ ከአባሪ ሰነዶች ጋር በማያያዝ ደብዳቤ ጽፏል። ደብዳቤው የቀድሞው የኢትዮጵያ ፕሬዝዳንት የተከበሩ ግርማ ወልደጊዮርጊስ ይፋዊ ድጋፍ ያገኝ ሲሆን፣ ከሁሉም ማዕዘናት ኢትዮጵያዊያን አዎንታዊ ምላሽ እየሰጡበት ነው።

ዘመቻ ራስ አድን

የወያኔን የሰላማዊ ኢትዮጵያውያንን የግድያ ዘመቻ ለማስቆም የምንችልበት ያለን አማራጭ ይህ ብቻ ነው። ወያኔ የወጠነው በግድያ፣ በእስራትና በማሰቃየት የኢትዮጵያን ሕዝብ የለውጥ ፍላጎት ለመግደል ነው። በወያኔዎች ስሌት ለውጥ፣ ሪፎርም፣ ፍትሕ ወይም እኩልነት ማለት ከመቶ ፐርሰንት ወደ አምስት ፐርሰንት መውረድ ማለት ነው። ይህንን እውነታ ወያኔዎች በውይይትና በጸጋ ይቀበላሉ ብሎ መድከም ሠይጣናዊ የሆኑትን ወያኔዎች ስለሰላም ማሰብ ይችላሉ ብሎ መገመት ሊሆን ይችላል። አንድ አፈጣጠሩም ሆነ አስተዳደጉ ሠይጣናዊ የሆነ ድርጅት በምን ተዓምር ቢሆን ነው በቅፅበት ወደ ሰላማዊነት በቀላሉ ሊቀየር የሚችለው። ስለዚህ በተባበረ ሕዝብ፣ በተቀናጀና በዕውቀት በሚመራ ትግል፣ አስገዳጅና ጨካን ያለ ኃይል በሚጠቀም የትግል ስልት ሕወሓት ካልተንበረከከ በስተቀር ወያኔዎችን በውይይትና በተበታተነ ሕዝባዊ አመጽ ብቻ ግድያቸውን ሊያቆሙ አይችሉም። ወያኔ በውይይት አይለወጥም ወይም አይሻሻልም። የወያኔን ግድያ ካላስቆምን በሰላማዊ ትግሉ ድል ለመጎናፀፍ መስዋዕትነቱ የበዛ፣ ጊዜውም የረዘመ ሊሆን ይችላል። ወያኔዎች በመግደልና በማሰር ሕዝባዊ ትግሉን መደፍጠጥ እንደሚገባና እንደሚችሉ በመቀሌ ስብሰባቸው ውሳኔ ያሳለፉበት ጉዳይ ነው።

ጥሪ ለደኢሕዴን የሕዝብ ተወካዮች ምክር ቤት አባላት በሙሉ፣

"ጮሻይ ዪን አቻይ አሼና” ከውስጥ ገፍቶ የመጣን ትውኪያ ጥርስ አያቆመውም

ዋካ ከስዊድን

በደቡብ ኢትዮጵያ ሕዝቦች ክልል ውስጥ ከሚገኙት የምርጫ ወረዳዎች የተውጣጣችሁ የፌዴራል ተወካዮች ምክር ቤት አባላት የሆናችሁ ወንድምና እኅቶች በያላችሁበት የከበረ ሰላምታዬ ይድረሳችሁ!

ይህንን መልዕክት የማስተላልፍላችሁ አንድ የክልሉ ተወላጅ የሆንኩ ኢትዮጵያዊ ወንድም ነኝ። መልዕክቴ በሌሎች ግለሰቦች ወይም ድርጅቶች ያልተላለፈና የማታውቁት ያልሰማችሁት አዲስ ነገር አይደለም። እንደ በጎች በቀኝ እንደ ፍየሎች ደግሞ ከግራ የምንቆምበት ትክክለኛው የሰማያዊው የፍርድ ቀን እንደሚጠብቀን አብዛኛዎቻችን እንደምናምን ሁሉ አሁን በምንሰራውና በምንወስነው የምድራዊው ሥራ ሕዝብ የሚፈርድበት እያንዳንዳችን እንደየሥራችን የምንጠየቅበት እንደበጎነታችን የምንመሰገንበት እንደወንጀላችን ደግሞ ለፍርድ የምንቆምበት አንድ የፍርድ ቀን በቅርብ እፊታችን እንደሚኖር አምናለሁና የሰማችሁትም ስሙት ባትሰሙትም ስሙት ብዬ የጉዳዩን እጅግ አንገብጋቢነት አበክሬ በመግለጽ ከሕዝብና ከእውነት ጎን እንዳትለዩ ለማሳሰብ ነው።

ወጋገን ከስቶክሆልም

የኢትዮጵያ ሕዝብ ስቃይና መከራ፣ የዘር መድሎና የበታችነት ኑሮ፣ መንግሥታዊ ውሸትና ቅጥፈት፣ ቡድናዊ ዝርፊያና የአገር መራቆት፤ አንገሽግሾት በላዩ ላይ ተጥሎ የነበረውን የፍርሃት ድባብ አፈራርሶ ለመሠረታዊ አዲስ ለውጥ ቆርጦ ተነስቷል። ዛሬ ከትግራይ ክልል በስተቀር በመላው አገሪቱ የሕዝብ ጥያቄ አንድና አንድ ነው።

"የኢሕአዴግ አገዛዝ በቃን!"

ፍቅር ወርቁ

የአፍሪካን ታሪክና ፖለቲካ ከምታስተምርበት ከሀገረ አሜሪካ ... ዩኒቨርሲቲ፤ የወቅቱን የሀገራችንን ፖለቲካዊ ትኩሳት መሠረት አድርገህ ያስነበብከውን ድንቅ ጽሑፍ/ታሪካዊ ትንታኔ በአዲስ አድማስ ጋዜጣ ድረ-ገጽ ላይ አነበብኩት። በእውነት ይበል የሚያሰኝ ነውና እባክህ ብዕርህ አይንጠፍብን። እንደው ይኸው ጽሑፍህን መሠረት አድርጌ በታሪካችን ዙሪያ ባሉ ውርክቦች ላይ አስተያየት አዘል የሆኑ ጥቂት ሐሳቦችን ለማንሳት ወደድኹ። ለወጋችን/ለሐሳቤ ማዋዣ ይሆን ዘንድ አንድ የቆየ ክስተት/ገጠመኜን በማስቀደም ልጀምር።