Dr. Eng. Seleshi Bekele, the Minister of Water, Irrigation and Energy in Ethiopia

በውኃ፣ መስኖና ኢነርጂ ሚኒስትር ዶ/ር ኢንጂንየር ስለሺ በቀለ

ውጤቱ ቀድሞውኑም የተገመተ ነበር

ኢዛ (ዓርብ የካቲት ፮ ቀን ፳፻፲፪ ዓ.ም. February 14, 2020)፦ በዋሽንተን ዲሲ በህዳሴ ግድቡና በውኃ አጠቃቀሙ ላይ ለሁለት ቀናት ሲመክሩ የሰነበቱት ኢትዮጵያ፣ ግብጽና ሱዳን ድርድራቸው ያለውጤት ተበተነ። የአገራቱ ድርድር የመጨረሻ ውጤት አጓጊ ቢኾንም፣ የዚህኛው ውጤት ቀድሞውኑም የተገመተ ነበር።

ድርድሩ በሕግ ማዕቀፍ ዙሪያ የነበረ ሲሆን፣ ባለፈው ሰኞ የካቲት 2 ቀን 2012 ዓ.ም. በውኃ፣ መስኖና ኢነርጂ ሚኒስትር ዶ/ር ኢንጂንየር ስለሺ በቀለ የተመራው ቡድን የድርድሩን ውጤት ለመገምገም ዋሽንግተን መግባቱን መዘገባችን አይዘነጋም።

በዋሽንግተን የኢትዮጵያ አምባሳደር የኾኑት አቶ ፍጹም አረጋ ድርድሩን አስመልክተው ዶ/ር ኢንጂንየር ስለሺን ከተቀበሉ በኋላ በሠጡት አስተያየት፤ ስምምነት ላይ ሊያደርስ የሚችል ሰነድ በጋራ ማዘጋጀት አለመቻሉን ገልጸው ነበር።

ከአምባሳደሩ ገለጻም፣ በዚህኛው ዙርም አገራቱ ስምምነት ላይ ሊደርሱ እንደማይችሉ ጠቋሚ እንደነበር መዘገባችን አይዘነጋም። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!