Bereket Simon and Tadese Kassa

በምዝበራ ተጠርጥረው ክስ የተመሰረተባቸውና ሚያዝያ 30 ቀን 2012 ዓ.ም. የእስርና የገንዘብ ቅጣት የተፈረደባቸው አቶ ታደሰ ካሣ (ግራ) እና አቶ በረከት ስምኦን (ቀኝ)

የፍርድ ቤቱ በገንዘብም እንዲቀጡ ወስኗል

ኢዛ (ዓርብ ሚያዝያ ፴ ቀን ፳፻፲፪ ዓ.ም. May 8, 2020)፦ በእነአቶ በረከት ስምኦን የክስ መዝገብ ሲመለከት የነበረው የአማራ ክልል ጠቅላይ ፍርድ ቤት፤ ዛሬ ዓርብ ሚያዝያ 30 ቀን ከእነአቶ በረከት ስምኦን ላይ የስድስት ዓመት እስር ሲፈርድ፤ በአቶ ታደሰ ካሣ ላይ ደግሞ የስምንት ዓመት የእስር ፍርድ ወሰነባቸው።

ባለፈው ሚያዝያ 28 ተከሳሾቹ ያቀረቡትን የፍርድ ማቅለያዎች፤ ሕመምተኞችና የቤተሰብ አባል መኾናቸውን፤ በፖለቲካና በመንግሥት ሥራ ለረዥም ዓመታት ማገልገላቸውንና ከዚህ በፊት ምንም ዐይነት ወንጀል አለመፈጸማቸውን መሠረት በማድረግ ነው ፍርድ ቤቱ የዛሬውን ፍርድ የሠጠው።

ፍርድ ቤቱ በአቶ በረከት ስምኦን ላይ የስድስት ዓመት እስራትና የአስር ሺህ ብር ቅጣት የፈረደባቸው ሲሆን፤ በአቶ ታደሰ ካሣ ላይ ደግሞ ከስምንት ዓመቱ እስራት በተጨማሪ የ15 ሺህ ብር ቅጣት ወስኖባቸዋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!