20210302 adwa

The Congressional Black Caucus

ኮንግሬሽናል ብላክ ኮከስ (Congressional Black Caucus)

በጉዳዩ ላይ በጉባዔያቸው በኩል መግለጫ አውጥተዋል

ኢዛ (ረቡዕ ሰኔ ፲፯ ቀን ፳፻፲፪ ዓ.ም. June 24, 2020)፦ የአሜሪካ የሕዝብ ተወካዮች ምክር ቤት የጥቁር እንደራሴዎች ጉባዔ፤ በታላቁ ህዳሴ ግድብ ዙሪያ ሁሉም ባለድርሻ አካላት እንዲተባበሩ፣ ሰላማዊ ድርድሩን እንደሚደግፉና ለዚህም እንደሚተባበር አስታወቀ።

ኮንግሬሽናል ብላክ ኮከስ (Congressional Black Caucus) በመባል የሚታወቀው ጥቁር የሕዝብ ተወካዮች በአባልነት ያቀፈው ይሄ ጉባዔ፤ ዛሬ ባወጣው መግለጫ በህዳሴ ግድብ ዙሪያ ሁሉም ተጠቃሚ የሚኾኑበት ስምምነት ላይ እንዲደርስ ድጋፍ ለማድረግ ዝግጁ መኾኑን ጭምር ጠቅሷል። በሦስቱ አገራት መካከል (በኢትዮጵያ፣ በግብጽ እና በሱዳን) የሚደረጉት ድርድሮች በጋራ ተጠቃሚነት፣ በቅን ልቦና እና በዓለም አቀፍ ሕግ መርኆች ላይ እንዲመሠረት ያመለከተው የጉባዔው መግለጫ፤ ግድቡ ለሦስቱም አገራት እንደሚጠቅም ገልጿል።

በግድቡ ዙሪያ ላሉ አገሮች ሁሉ ጥቅም እንደሚኖረው፣ የምግብ ዋስትናን ለማረጋገጥ፣ የኃይል አቅርቦትን ለመቀነስ፣ በርካቶች የተሻለ የውኃ አቅርቦት እንዲያገኙ፣ የአካባቢውን ኢኮኖሚ ለማረጋጋትና ለማሳደግ ጠቀሜታው የጎላ ስለመኾኑ ይኸው መግለጫ አመልክቷል።

በመገንባት ላይ ያለው የታላቁ ህዳሴ ግድብ በቢሊዮን ዶላር የሚቆጠር ወጪ እንደወጣበት፤ የአፍሪካ የግዙፉ ግድብ ስለመኾኑ የጠቀሰው ይኸው መግለጫ፤ ለአካባቢው አገሮች አዎንታዊ አስተዋጽኦ እንደሚኖረው ጠቅሶ፤ ሱዳንና ግብጽም ከዚህ ግድብ ተጠቃሚ የሚኾኑበት እድል ያለ ስለመኾኑ በዝርዝር አስፍሯል።

በሦስቱ አገሮች መካከል የሚደረገው ድርድር ሰላማዊ በኾነ መንገድ እንዲካሔድ ድጋፍ የሚያደርግ ስለመኾኑ በማመልከትም፤ ሁሉም አገሮች ተጠቃሚ የሚኾኑበት ስምምነት ላይ እንዲደረስ የአፍሪካ ሕብረት እና ሌሎች ባለድርሻ አካላትንም ለመደገፍ ዝግጁ መኾኑን ይኸው የጉባዔው መግለጫ አመልክቷል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!