PM Abiy Ahmed

ጠቅላይ ሚኒስትር ዶ/ር ዐቢይ አሕመድ

ይነሳሉ ተብለው ከሚጠበቁት ውስጥ የሰሞኑ ኹከት፣ የህዳሴው ግድብና የበጀት ጉዳዮች ናቸው

ኢዛ (ማክሰኞ ሰኔ ፴ ቀን ፳፻፲፪ ዓ.ም. July 7, 2020)፦ ጠቅላይ ሚኒስትር ዶ/ር ዐቢይ አሕመድ ዛሬ ማክሰኞ ሰኔ 30 ቀን 2012 ዓ.ም. ከሕዝብ ተወካዮች ምክር ቤት አባላት ጋር ተገናኝተው በበጀት ጉዳይ ላይ ማብራሪያ ይሰጣሉ። በወቅታዊ ጉዳዮችና የአርቲስት ሐጫሉ ሁንዴሳን ግድያ ተከትሎ በተከሰተው ኹከት፣ የሰው ሕይወት መጥፋትና የንብረት ውድመት ጋር በተያያዘም ማብራሪያ እንደሚሰጡ ተገምቷል።

ጠቅላይ ሚኒስትሩ ከወቅታዊ ጉዳዮች ላይ ከምክር ቤቱ አባላት ለሚነሱ ጥያቄዎች ምላሽና ማብራሪያ የሚሰጡ ሲሆን፤ ከወቅታዊ ጉዳዮች ውስጥ የህዳሴው ግድብ አንዱ ይኾናል ተብሎ ይጠበቃል።

ዋናው የምክር ቤቱ የመውያያ አጀንዳ የበጀት ጉዳይ ቢኾንም፤ የምክር ቤቱ አባላት በሚያነሱትና በሚያቀርቡት ጥያቄ ላይ ተመሥርተው ጠቅላይ ሚኒስትሩ ምላሽናና ማብራሪያ የሚሰጡበት እንደሚኾን ታውቋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!