20210302 adwa

የአዲስ አበባ ታክሲዎች

የአዲስ አበባ ታክሲዎች

የሕገወጡ ሕወሓት ቡድን ተላላኪዎች በመዲናዋ የጥፋት ተግባር ለመፈጸም ያዛጋጇቸው የጦር መሣሪዎች ተይዘዋል

ኢዛ (ረቡዕ ኅዳር ፪ ቀን ፳፻፲፫ ዓ.ም. November 11, 2020)፦ በአዲስ አበባ አድዋ ድልድይ ተብሎ በሚጠራው አካባቢ ዛሬ ጠዋት ቦምብ ፈንድቶ በአንድ ግለሰብ ላይ ጉዳት መድረሱን የአዲስ አበባ ፖሊስ ኮሚሽን ገለጸ።

የፈነዳውን ቦንብ በማስመልከት የተሰጠው ማብራሪያ እንደሚያመለክተው ጉዳት የደረሰበት የታክሲ ረዳት ለመጸዳዳት ባመራበት ወቅት በማዳበሪያ የተጠቀለለ ዕቃ ተመልክቶ በእግሩ ሲነካካው ፈንድቶ ግለሰቡ ላይ ጉዳት ሊደርስ ችሏል። ጉዳት የደረሰበት ግለሰብ በአሁኑ ወቅት ሕክምና እየተደረገለት ነው።

ከዚህ ጥቃት ጋር ተያይዞ ፖሊስ የሕገወጡ ሕወሓት ቡድን ተላላኪዎች በመዲናዋ የጥፋት ተግባር ለመፈጸም ያዘጋጇቸው የተለያዩ የጦር መሣሪያዎች በሕብረተሰቡ ጥቆማና በጸጥታ ኃይሉ ክትትል መያዛቸውን አስታውሷል።

በተለያዩ ሥፍራዎች በሕዝቡ ላይ ጉዳት ለማድረስ በማቀድ ልዩ ልዩ የጦር መሣሪያዎችን በመጣል ጉዳት ሊያደርሱ ስለሚችሉ፤ ሕብረተሰቡ ባለማወቅ ራሱን ለአደጋ እንዳያጋልጥና አስፈላጊውን ጥንቃቄ እንዲያደርግ የአዲስ አበባ ፖሊስ ተጨማሪ መልእክት አስተላልፏል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!