Members of the Tigray region special police force parade during celebrations marking the 45th anniversary of the launching of the “Armed Struggle of the Peoples of Tigray” in Mekelle, Ethiopia, on Feb. 19. MICHAEL TEWELDE/AFP VIA GETTY IMAGES

የትግራይ ክልል ልዩ ኃይል (ፎቶ፣ ተወልደ / ኤኤፍፒ)

የሕወሓት ጁንታ ተዋጊዎች እና ከድተው ከጁንታው ጋር አብረው የነበሩ እጅ ሰጡ

ኢዛ (ዓርብ ኅዳር ፲፩ ቀን ፳፻፲፫ ዓ.ም. November 20, 2020)፦ የአገር መከላከያ ሠራዊት አክሱምን፣ አድዋ እና አዲግራት ዙሪያን መቆጣጠሩንና በርካታ የጁንታው ተዋጊዎችና ከጁንታው ጋር አብረው መከላከያ ሠራዊቱን ሲዋጉ የነበሩ ወታደሮች እጃቸውን እንደሰጡ ተገለጸ።

የአስቸኳይ ጊዜ አዋጅ የመረጃ ማጣሪያ ማምሻውን ዛሬ ዓርብ ኅዳር 11 ቀን 2013 ዓ.ም. እንዳስታወቀው በምዕራብ ግንባር የሕወሓት ጁንታ ኃይልን በማጥቃት መከላከያ ሠራዊቱ ድል እንዳደረገም አስታውቋል።

የትግራይ ክልል ካርታ
በመከላከያ ሠራዊት የተያዙትን ቦታዎች የሚያሳይ የትግራይ ክልል ካርታ

የመረጃ ማጣሪያው ሙሉ መግለጫ የሚከተለው ነው። (ኢዛ)

ከየአስቸኳይ ጊዜ አዋጅ የመረጃ ማጣሪያ የተሰጠ መግለጫ (ዓርብ ኅዳር 11 ቀን 2013 ዓ.ም.)

በምዕራብ ግንባር የሕወሓት ጁንታን ኃይል እያጠቃ ያለው የመከላከያ ሠራዊታችን፣ ከሽሬ በኋላ ሰለህለሃ ላይ የመሸገ የሕወሓት ኃይል ገጥሞት ነበር። ሰለህለሃ ላይ የመሸገው የጁንታው ኃይል መንገዱን በዶዘር ቆርጦና አስፓልቱን አበላሽቶ በቦታው ላይ መከላከል አድርጓል።

የመከላከያ ሠራዊቱ የጁንታውን ተከላካይ ሰብሮ በመግባት አክሱምን ሙሉ ለሙሉ ተቆጣጥሯል። ከአክሱም ወደ አድዋ በነበረው ጉዞ በአንዳንድ ቦታዎች ላይ የጁንታውን ኃይል ለመከላከል ቢሞክርም፤ በመከላከያ ሠራዊቱ ድል ኾኗል።

መከላከያ እንቲጮንና የአዲግራትን ዙሪያ ተቆጣጥሮ ወደ አዲግራት ከተማ እየገሰገሰ ይገኛል።

አያሌ የጁንታው ተዋጊዎች እጃቸውን የሰጡ ሲሆን፤ ከድተው ከጁንታው ጋር ኾነው ሲዋጉ የነበሩ ወታደሮችም ይገኙበታል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!